Ict n tughmest
Yaru t: Hemmu Bucxar

Ad itteffu  wass, anfa wtint g  uzruy agd waman wreghnin, qamnin s fluyyu, urt ufin.Ikectvan feddvan, mara ipn izedmen,ur pen yufi, ur izwar mahen yiwin, yusd, mag oermen, yiwihen s ufud. Antvarhv iwint, ag oari assa herrzent, mara t ikken, ku it negguni, ku iqqaz gher nej.
 Nnix tamessvatv inu ara kemzx,
day qqimex,
 la digs kerrzex aksum
icerreg,
izvughan t cerciren,
ur nnix ukwix, tiddi nu turef,
day waxxa kemzex,
ixf inu urt ukizex,
aqmu smi tfezzvex,
qisxakw, ur igi winu.
sassbu neghd ajenjar
buhebba neghd  tazebbart,
mani ifassen ara pen yasin?
teghzit ay
anazvur, aday semmidven ulawen,
izvughan awer iqqimen  it inzizen.
ihersviyen ag ddan susmen.
 Taghmist ara d yasen d nurezzu, ixs ad sen d nejber imaruren, ara iy kkren twuri ran, ad rezvmen, ad yaghul uhvidus, gher s twizi, urt  tennpen xas imgharen, ula igerramen, y ixs ku yun ad issers afus g tammen, ad y isin tatvfi nnes mas ma tedda, matta isufar, manig awghen tizizwa, matta timizar tekkad, dat  ara ters g iqesvriyen, ad t llghen iherrazen, ssen wernin oari, d igherwan manig it zzvgen.
(Hemmu Bucxar)