sms n wmsbrid
Yura t: Mimun Amsbrid (Biljika)
1
Yecca yi wbrid...
gguregh war tiwdvegh!
2
Mamec gha yeg ucar…
ad yemsebdva x ucar?!
3
Yeffud wur…
Aman tawyen …
Afad ineqq!
4
Wiked ghad yessiwer wadvu?
Wiked ghad msawadven itran?
I yejdvadv…
Umi ghad inin?
5
Wi ghad yesqiccmen i wurtu?
Wi ghad yessekken x uzemmur?
6
Izekkunen n udvir,
wiked ghad iraren tinuffra,
deg whsin n tzayart?
7
Wi ghad isren i tduddimin,
tudument di tara?
8
I «tuttvu yuyu» x ibuda,
wi zi ghad yedvsa?
9
Tedjef yi tfuct...
Yiwi yi useynu.
10
War ghari bu tiri: jjigh t awarna yi.
11
Itawi yi wannay...
teggwdegh ad wdvigh.
12
Ssyamegh tudart s wawaren;
ssyamegh awaren s tudart.
13
War xafi tru a yadmar:
ad ghar k d dewregh.
14
Yewdva d waddar x tiri nnes!

(Mimun Amsbrid,
m_amsbrid@yahoo.com)