Amnukal imezzviyn, n Saint-Exupéry

Yura t: Larbi Moumouch

Amnukal imezzviyn iga yan walas (récit) yura-t Antoine de Saint-Exupéry gh 1943 di New York.. Aseggûs-degh nit ag d ffaghen s yat tikkelt sin udmawn (versions), s tenglizt d tfransist. Ittusughel warra-yad s waṭtvas n walsiwn acku ittussan bapra, yut tarennawt meqqurn.

Tanfust  inzeln: 

Amnukal imezzviyn iga yat tenfust inzeln (simple) mac tedra s iswingimn-ns d imukrisn ifelsafn lli d telddi. Tettyara i wid mezzviyinin ula wid meqqurnin. Yat tenqqist mi yuls yan umals (narrateur), id issektayn imghughen (héros) n Saint-Exupéry, yan umsvug n taylalt nna nn iḍern g tuzzvumt n tnezvruft. Mayad iga ghas asrag i yat talast (narration) yadvn, tin umnukal mezzviyn (yat tekcem g tayadv), d unmuqqar n umsvug d umdan-ad (personnage) ur irwasn wiyadv. Gen s timmad-nsen yan n ummedvfer n igezzumn d tindar (épisodes), bapra napya, kun tindert s umdan nna ghef tsawal, imdann igan anwn n midden: butwwuriwin neghd adamsan (homme d’affaire ou économiste), amssergh n isufa (alumeur de réverbère), amarakal (le géographe). Tanqqist-ad tekcem g wansa n ta rilawt (l’irréel): s imudar-ns d imghitn-ns ar sawalen, s umadval-ns lli g nettelli seg taserridvt ̣(planète) ar tayadv, s unughn (dessins) iddern. Acku tarulaft (iconographie), tilwah n umara ircemn s aman, gan gh udlis, munnent d udvris. Amma ma izvlin s tirra, ar nn nettafa tiwinas (phrases) gezzulnin, imsawaln bapra nzelnin (simples) nna g ittals s waṭas wawal “inna umnukal mezzviyn”, ula iwaliwn ozzanin n tazzanin: “ oafak… recm-iyi yan uleqqao” (ikru)!, d wanawn n usentem (insistance) d wallas (répétition). Gh tesga yadvn, ar issexdam umara kra n isenteln imadizn (motifs poétique) ittussan yad dar wiyadv am ajjig ( tajjigt: rose), tadvuri (arwah /awna) n tafukt.

Tanfust-ad tga tamezzuyt (une parabole)?

Willi kullu ghranin Amnukal mezzviyn ssefran-t kun yan s tgharast-ns, fken ghefs imnadn ggutnin, ur d akkْ msasan, kra n tikkal nnezrayn (contradictoires), issaghuln gher temdyazt n temzvi, talganat (fantaisie), tigْerremt/taṣufiyt (mysticisme), tarunekkit (autobiographie), neghd gher tmezzuyt tagharant (fable morale) nna issatign yan umiy n twargit, iqqenn (énigmatique), iffern (ésotérique).

Gh tsekْfelt tamezwarut, ar agh d tghaman izenn (messages) lli ilan talgha (forme) n iwaliwn ddernin zud: «s tidett innefoa, melligh ifulki», «mek tufit ad tezzurf/ thakemt ixf-nk, pati tgit amusnaw idusn», neghd walli barra ittussann: «ur da nettannay amer s wul, ayenna igan tumast ura t zverrant wallen».

Gh uswir wis sin, nghiy ad naf yan unamk adugam (symbolique) gh tenfust-degh. Ar nn gis nettafa yan umadval nna g  imzazal umezvyan d umeqran, innezray (s’oppose à) dids, ur saswa iswingimn-nsn d inezgumn-nsn, amnukal mezzviyn iga amkkartu, ijoer, mac igerzv (plait) bapra i umals; g nesyafa tusuft d tanezzvilt delnt igenna, ar merrint ul; g ur ttafent twwuriwin n imeddern (êtres) anamk kra n tikkal. Aylli gis bapra ittawkn anelli iga-t usiggel, asiggel izvlin s wul d isyafatn (quete affective): akkْ tindar d isazvarn (scènes) gan anmuqqar d tufit (découverte) n kranyan, n wayadv, am assgْerd n ubaghugh d tazdayt (relation) d tejjigt. Mac asiggel-ad, gh tgira n tenfust, ar ttegru s umiri (vide) d tmettant, ifel-d i umeg pri tifawt d ulili d terzvugi (amertume).