Amekraz n tililli

Yura t: Oli Xadaoui (Qnitvra)

Ad irhem rebbi si Oli argaz ur iggîden innan mayd yannay

Nekkint amazigh ur tejjax  maghayi yamsen yad tameddalut

Nzix g imezwura n umezruy gan ax amur gan amnir g dati

Ugha ten ittuttix ayenn kkix eg tudert all ax teghzim tadermiyi

Zvrat amzruy n tamazgha pat gran i izvuran tihiddiqqin

A mmis n umazigh ad ky idda uburz yaghuld igak tameddallut.

Iwink imexxar a Oli tawt lhabs allig tusit tassennann ur tedmit

Maca ur ad k rzvin ul gan am wassif ar isswa qqah tidemriwin

Allig tugemem a yifsan imghid ililli gran ackuk g wacal

A tatfi n ighimi nk adday tsawalt a si Oli dat n imeddukkal

Adday da tinit izlan n tarut apa tgert itran g tillas

A tatfi n wawal nk adday da ttgat iwneghmis tiwenziwin.

Llan dati usar ttettux pat amur ay gan a Oli g tezrit i

Izzay wagga magha t yassin pan azaza n  tmazight igen ghifi

Ggudn  isexnad  wasa mani g gha nammen n seddiri

Sgunfa is ur awn tgi tudert ass umlil a Oli bu tanut

Afa nna tagrit i tghufi umazigh ad akyen yamzven zlillut

Ad tt iwc I winna yadvn issiw tt all tmatart nna tgit g ulawn.

Ad k irham rebbi yamzv ifassen i waraw nnek issusem imeddukkal

Mk itzrit g manig tellit pat tzrit tixt nnanx isedwiwissen

Usix tagallit ur taghulx a yamur ad x tezrit gixt d iwi

Unna t yiwdven ad mmtex ghifs ula ad immet umur d izerfan inw

Pat ur gha temtaten winna ixater assin tiram n imezwura

Inasen i Behri sulx adday kid ktix asyex tixt igen wacal

(Ali Khadaoui, g qnitra ass n 01-10-2004)