Kradv itran n igenna ircan

 Yaru t: LFYOU (TINEJDAD-IMTGHERN)

D tarzzift i Alirja d- IZILF

Nnan ak wuccan pan kenni txxam!

A yimazighn pan kenni tercam!

Ur ad gh d tusim kenni tmuzgham

Tufawn temdvelt aynna tnadam,

Ur awn igi ad tnekrem tefnam

Ur awn nri ad tssaddem teomam

Tamazight ghaln id ad therram

Maca tecdvas i wnna yas tertam

Ar awn ttinin chal ayd teksam

Pat imerdal ag akk n tellam.

Nnan ak wuccan pan kenni txxam!

A yimazighn pan kenni tercam!

Ur tannaym ixwba g tegmam

I mas teddam i mayd tnadam

Tifinagh qenna ts nsram

Pat ur tennim ad t stessghram

Chal d azvur ifukk ad inam

Ma yamazigh qennat ntwerram

Kenni tecwam frat mayd teghram

Mec ur teknim terzvam ayd tgam.

Nnan ak wuccan pan kenni txxam!

A yimazighn pan kenni tercam!

Iga umazigh am yan uoewwam

Iswa lemhayn ula mas teswam

Teddam s mays tennam as igam,

Mimmim mkerdvul igam igam

Mer icwi  ata  ad inbedv ikam,

Ik iwrinnagh ilhu g uzeddam

Tasy tixat theydas i lidam

Ar tganna ma gen tennegdam…

Nnan ak wuccan pan kenni txxam!

A yimazighn pan kenni tercam!

Tgam-asn ighil, tutam-asn ahezzam

Ar ttinim ssutrat i wgwrram

Mer ur terdvim tpezzam aselkam

Tegnem afella-nns, pat tepwam

I mag tegnam i mag telpam

Allig tgam ayddegh nnik tgam.

Nnan ak wuccan pan kenni txxam!

A yimazighn pan kenni tercam!

Tekkam tesgham tekkam tezzenzam

Maca dghi ur tufim axddam

Pat ur nri ghas mec tefstam

Mamc tpezzam a kwn nslam

Gatagh s rray tgimt i wgwrram

Ad ghifun ijud g ma gen tellam.

Nnan ak wuccan pan kenni txxam!

A yimazighn pan kenni tercam!

Nekkni seg da, awi is tfafam

M-imk ntegga ad gegh alehham

Ma yit mazight aynna s tertam,

Ad as d ibayn asekka g di tpezzam

A yul inw ad ur txemmam

Gigh amazigh gigh agelmam

Righ awal inw ur righ aselpam

Ur its bdvigh mghar i tengham

Pat ggulligh ur sar ghifi tfellam.