Asefru

Yaru t: OEQQA

Seg mad ts annayegh ad itessaght angazv

Ar ttexitirt g wul inu ar tteggat argaz

Da tt tannayegh ighilegh idd anuddem

Zzigh pat keyy ad iyettalin izwigh i wudem

Da zvars ttaznegh ighef inu d tittvawin

Ddun i s akal zzigh pat keyy ad ten ittawin

Da ttirigh ad as siwlegh tekreft i yils

Tasy i tergagit tidi tra yad I tels

Iseggwasen ayddegh ur idd xes ayyur

Ad i yagh ungazv nnek yagwey a yesmur

Seg mad digi tezdeght ad ttumumegh

Taxt i yidammen kud ttxitirt ttesmuregh,

Zmigh mad digi ysulen ag k id urugh

Sselsegh ak ma yehlan aragh k s wuregh

Kigh ak idmaren inu tessummit idammen

Nnigh as tellit digi ur tri yad i tamen

Teddut da tt tesxitirt ar k tsemzay

Iqqim digi lhal taft akkw tizerzay

Tellit ger ifassen nnes tebbi k ur k teghwri

Knugh s akal ad k asigh teddu tzery i

Tezrit ifassen inu tekket tvaras

Asin k akkw taght ighzer d warwas

Kan k i ymuran nnesen ihlu yasen watvu

Tgit winu i magh nekk ag i yxub watvu?