Imzouren, 

a yimzouren!!

Yura t: Karim Kannouf

Tmraywa Lhusima tarjij deg Imzuren,
Tarjij deg wur n Arrif d wixas yegguren
A tadjest izepmen di tadjest d yussin
Tucard idvaren nnem zeg wabrid war t’ nessin
Ghar usars n ixsan ghar waxdam n tartiwin
Tsxsyed tssarghd deg ixxamen tifawin
Twatvid anegh tudrin tucard anegh tidrin
Tjjid anegh nwttva d d amatta x tmadvrin
D tazra yarjfn i mani tazriwin???
Ura d tarawra ghar tarawra zayes d tarawriwin
Imzuren, a yimzuren acar n wur yeswin
Idammen yessvuren s waman n tittvawin
Ca yuwcam d fuss nns, ca yuwcam d tidvewdvin.
Ca yewcam d ur nnes, ca qao war d yexzar din
Mani wdvant thnya dwrnt d tifrwin.
Mani yedwr njm yessajja xaf tzghwin
Din yesghuy uhnjar s icarcaren yedrin
Yesghata ghar yemmas zat s war d tarrin
Dinni twdva raxart din tksi tin d win
Din tjja amttva ad yazzr d tindwin
Imzuren, a yimzuren acar n arrif yeswin
Idammen yessvuren s waman n tittvawin
ksigh rhriq nnem fsaregh t ghar tammiwin
D axayyeq n rcfn d svbar n tghufawin
Maca rozat nnem dfarant trewriwin
Twarigh t’ d imar nnem ghar icettveh reowin
Tmraywa lhusima tarjij deg imzuren
Tarjij deg ayt qamra d wen xas yegguren.
(Di 15/3/2004)