imettvawen n yidv 
Yaru t: Oumar Sghir

annayegh t...
yuylla s iggnwan
yuylla igga wam uzwu
igga wam usem ur ttannay titv.
 
zerigh t...
iggellin itters
itters f tenmmutert
ar inedder.
 
Tanadra nnes...
asafar i wanna zares isefliden
temaned d imettvawen
imettvawen n yidv.
 
izelay as ubrid...
iggellin ur issin mani yetka
ar ittannay adrar lilas
ar isuggur s wasi tama nes.
 
Mek yuylla s ighuliden...
tandra nnes ur sar as nesella
mek iman d wasif
imettvawen nnes ur sar ten nzri.
 
Iqquma diyi iggellin...
amzegh t gger ifasen
yerzvem iyefrawen nnes
acku ur diggi yannay
timitar n uneggmar.
 
usegh t...
sersert aflla n ighir inu
awigh t ar yat tebadut
nnigh as: mun d ubrid degh
qan taft aynna ttinigget.
 
Ighezzif ubrid nnes...
iggellin ur iri ayezpu
ajmil nna yas yigh
yuyella ittverd dis yan ufraw
zund iyezri mas tid kettir.
 
Tejra dis iggelllin...
idda ur dyaghul
tejra diyi awd nekkin
ddigh ursar t zrigh.
 
Ighulegh d...
ar ghifes seqsagh
righ inermisen nnes
sellagh ima di yennan
iwaliwen bbin ul inu.
 
Pan walligh...
teggit aflla n ighir
tazent s tvartv ighuliden
itteggras heyayyu
yawi t s yer ighuliden
izred ddis idamen izuggaren.
 
Gar ussan...
gar inermisen sellagh asen
tvergh amezgh akal nnigh as:
imkennagh ar ijran y tudert
nesseggma uccan tecnagh
nerur i tillas tvefurnt agh.
 
Ur ta nelli...
is nesul a nilli?
nesul numezv tillas
wa manik a ya sid
mani yikka wayur
mani yitran n yidv
mani tudert n yan izelan.
(sghir oumar di agadir,  assen  21/11/04)