Tawiza

Adday aghulgh s dari
Man tanbadvt n unezzu a rad d ur idvfer timjiwec! Baynent iyi d teklaliyin inu, qqanent iyi d; gh tidet ur ar siggilgh ad tent in rargh.
Ar zzigizegh s tawada yughden, anya nu iga anya n tesga yad akkw n tsukat, anya n tsukt akkw, anya n tuddurt akkw. Nekkin ad igan amasay xef tiytiwin akkw s ttutent tegura neghd tiduba, xef tjeghmin (toasts) akkw ittyasayn, xef tawgin (couples) n imarayn imunen gh ulektu (le lit), ddaw isrirn n tgemma sul ibennan, imzòayyern (pressés) ddu igherban n teswak illasn, gh isuma n tbernadv (canapés des bordels). Ar stalgh izri nu (passé) d ar ssidvnegh (hasbegh) imal inu, afegh ten in ghudan akkw, ur dari yuf yan wayyadv; ur rad sbekkdvegh (incriminer) ghas Taggazòt (Providence), nna iyi ifkan annaz ad (favoriser).
Allig nn kcemgh s uhanu nu kad iyi udvan iswingimn, ayenna lligh ar aqlaygh isekfal ur ufigh walu ma gh swingimgh. Ur iyi akkw barra isaya (réconforter) ad rzvemgh aseksel d ad ssefledgh sul i imik n uzòawan gh ugens n turtit.
Iraswayn
Tikkal ggutnin, kudenna zrigh kra n iraswayn (robes) ikwlan s idveffisn (plis), tiwenza (ruches) d ickukn (franges) gh wanawn, nit f tghessviwn fulkinin, ar ttinigh mas rad ur ghaman s ghikann; rad ilin idveffisn lli rad ur yaghwed, rad ikcem ugedvrur agens n ikwlan, ussar d gisn iffagh, awd yan urad ighilf ig tadvsva ukan ar ilessa kun tifawt arasway ad iziln, ikkis tt tadeggat. Meqqar uya, llant itsent terbatin, tirbatin iflkin ilan tizelmin ittawin ul, tiwerzin (chevilles) izbubn, ilm yussen (tendus) s lhil, d tadvdvigiwin n icakukn itfewwarn, nna bedda ilessan asehbu (déguisement) yad n kraygat ass, ar srusent kraygat ass udm lli bedda gh tdikelt n ufus lli bedda d ar t ttemnadent gh tisit lli bedda. Kra n tikkal pelli, tadeggat, igh d udvant seg kra n tmeghra, ar nn ttafant gh tisit nsent yan udm yuzvern (irfufnen), yuffen, iggudvrern, yan udm ittuzvran bapra, ur ittulsan (mettable).
Aseksel xef tsukt
Wanna feln midden, yiri meqqar nit ad isker, ghid negh ghinn, kra n tezdayt, wanna iran, dat n tinfalin nna yas d luhen tseqqal, tisemzvay (saisons), tawwuri negh timsutal (circonstances) ann yadvn, ad yaf yan ighil, yan ighil ma gh ittamzv ― wann ur ikki mani i kra n useksel illan f tsukt. Meqqar akkw sul ur irezzu f walu, meqqar akkw ur iga ghas awessar irmin nna itsennadn f useksel d ismurruyn allen ns ger ugdud d igenna, ixf imik s dvarat, ur sul ira walu, ra t ikerren iysan gh usalal (cortège) nsen n tessudutin (voitures) d udida (bruit) fad ad t dagh awin s tuzzvumt n midden.
Mer yufa yan ad ig Apendi Azveggagh
Mer yufa yan ad ig Apendi Azveggagh (Peau-Rouge), bedda ilzvan (paré), xef wayyis ns imidvu (fougueux) ikuttan (ibidden f tiqqar n dvarat), ar ittenduduy (vibre) xef wakal anduday, ard ifel uzlan (éperons), acku ur adelli llan uzlan, ard iger s iserruya (rênes), acku ur adelli llan iserruya, day izvr akal dat ns am asaka yulsan (lande tondue), yad mil amggerdv d min agayyu n wayyis.
Taddagin
«Nerwas iguncac (tronc) n taddagin illan gh udfel. Ad nini is pelli ttersent, ra tent nentu s yat tighri n wagar (tiyti n udvadv). Upuy, iga muhal, acku ddement nit gh wakal. Maca suql mezyan: awd uya iga ghas alamusò (udm n tittv, apparence ).»