Tawiza

Mahend ad nessen alemmas n Tariq bnu Ziyyad n tghuriwin d tarezzutin, wanita i yewcin awar ad yessufegh idellisen yedjan n tmazight d min yedjan yessawar xef tmazight. Tesqarqeb tawwart nnes ict n tmarirt d tamsenflult twassen deg wazzay n tira d tsekla n tmazight, nettat d Samira yedji s n idurar n Arrif u nettqt traja zeg wlemmas a ad as yewc fus akid ad t yawez mahend ad tessufegh ungal (roman) nnes i tura s tmazight, u tufa tawwart tarzvem, temsawadv akid sen mammec gha yiri usufegh d mammec gha yirint tseqqar, tiseqqar a yeqqaren i wmarir: Amarir ad isnflul ad itari ad yessewjad marra timsal n usufegh, axmi d gha yeffegh udellis a i di tedja marra tamara ya tettursed day s asemqar nnem maghar war ioedder ad ksen d ca n mraw n idellisen. Marra manaya tesseodut di tesghart nnes tekkes akid sen x usufgh a tewca sen ungal nnes umi qqaren Tasrit n wezvru ass n 27-4-2001, tsala akid sen marra timesrayin yuyren ghar tesizwarut d uwardi d weodar n tira..atg. Tenna yaneghmis a di yarradyu n tmazight s trifect deg useddi( programme) n jar Arbat d Tittawin, imeghrayen trajan ghar useymi ya d gha yruren ghar tsekla tamazight. Yeodu ussegwass n uraji d uoayen wap ass a…. wap wennedvni tid yedvfaren, mermi mma temsawadv akid sen ad as inin oad aqqa negh nessufugh d yinnedvni (min yuran s taorabt) oad aqqa ghar negh attvas n warbar deg alemmas….atg

Imeghrayen tseqsan temseqsan x wungal n «Tesrit n wezvru» ma yeghri zzat ma ad irur? Ma yedja nigh war yedji? Wenni d as ioedren tira mass H BEN0AQIYYA yarezzu ad izvar tizvi (Fruits) n twuri I zi yeswiza.

Yeodu ussegwass nni traja wennedvni traja t min d gha yawi? Rami akid sen temswadv i tawara nnedvni tufa yawar d wenni tiwuri d tenni, idellisen tefghen d zeg zlemmas n TARIQ BNU ZIYYAD maca ungal nnes itghima ghar sen ixemmer, war ssinegh ma ungal a rami yura s tmazight n Arrif ura rami wenni yuran d tamghart wapa amecnaw rebda rxezrat nni ifarghen ghar uraq nnes d tseqqar nnes d izerfan nnes…atg.

Rami yuzva uraji, yemmut rayas, txarres Samira ad tessufegh ungal nnes s tmenyat n jjib nnes mebra ma ad din yiri ca n ulemmas ura d rpard yexwan, tettar i ymasayen n Tariq ungal nnes yedjan yura yeoder di (la disquette) maca ugin u nnan as: ungal nnem yudef d ghar ulemmas war iteffegh ca ad t’ id nessufegh neccin, u manaya yemsar deg yur n 8-2003 maca awarni wami tuyes belli oad ad as d yedwer tessenta a tessewjed ad toawed tira d uoawed n temsezwarut. Temsawadv akid sen twara tneggarut oad i tufa arrin as s t’ id amen qqaren: Aqa oad ijj n ussegwass i da ghar negh tekka wapa, neccin ghar negh attvas n twuri deg wlemmas, u arrin as t’ id ass n 23-10-2003 awarn i sin n iyuren n wemsecti.

D ta d tanfust n Tariq bnu Ziyyad ak wungal n Samira yedji s n idurar n Arrif oawdegh t id mammec temsar u mammec tedja s tidett nnes yedjan d ict n tsarhest t wesneflul amazighi d wesneflul amen yedja qao.

U necc tarigh amegrad a xarrvsegh mant tawwart gh ad yesqarqeb umarir amsenflul??? Nigh ad yeqqim itari i yexf nnes wapa amenn teggen wattvas n imariren d izrawiyyen ghar negh di lmughrib, ad tarin ad txemmaren jar tefray.

U manaya yegga Tariq bnu Ziyyad aked Samira yegg it ak imariren nnedvni s weshissef d ameqran.

(Mayssa Racida Elmarraki)