Tawiza

Inker yan urgaz yawi yat tmtvudvt, taru yas yan urba d yat tarbat. Arba ism ns Hemd, tarbat ism ns Mlilij. Izri may zrin tmt as tmetvdvt i urgaz nnagh iddu yawi tvayyatv tmettvudvt ur ihmilen lqum (mhemd d mlilij).
Yan was tnnayas i bbatsen n lqum ixssva ad ntzelt lqum pat ur ten righ…
Iddu bbat sen n lqum imun did sen yawi ten s lxla. Lligh y man gg ubrid, Mlilij tcwa tetvef zbib y ufus nes ar t tsukfus y ubrid maca ad as ur izel ubrid iyd taghul.... azemz lligh y ngulan lxla inna sen bbatsen:

-qqimat a lqum inu pat ddigh ad zdemgh ikccat mas nerqqa…

Iddu bbat sen isersen yan waljaluq afella n uzuggar dat ismenqar uzywu ighelen lqum id bbat sen ad ayrzzan ikuccat… qqimen allig i sen tllas tudert… muned duylligh n zbib tsukfus Mlilij y ubrid… allig d lkemn taddart.. kcemn ffern tvartv tflut… imeh ikcem d bbat sen itvfd yat twtult ran as snwin iy mensi netta d lallat sen n lqum… tnnas:

- mer ufigh Mlilij ad id tagum taqlilt y imi n igherm fkghas amur inu y twtult.... innas bbat sen:

-mer ufigh mhemd ad id issu aghyul y wasif fkgh as amur inu…

Imeh inn as d mhemd tvartv tflut payyi a bba, tnna yas d Mlilij payyi a lalla....

Tasi d lallat sen aghnja tghrf as t i urgaz nes tvartv ighef tnnas:

- ukan ur tnin tzlit zzigh… qa teddut didghi ad ten tzelt nghed ak nugh....

Yawi ten digh inna sen allapat ad nxmec tiwtal y umerdul… mun digh y ubrid izwar asen bbat sen t tvfurt id Mlilij ar digh tsukfus zbib y ybrid ar t itstta mhemd alliy ngulan lxla ammas n umrdul inna sen bbat sen:

-qqimat pat ddigh ad awigh yat twtult… iddu igas yat lmika i yan uxlal d as cemctagg uzwyu ighiln id bbat sen aytiniggn tawtult… qqimen allig tllas tudert zzigh pat bbat sen izriten. Ddun digh lqum mund d ubrid inn as mhemd i Mlilij:

-mer tzrit a wtmma itsen ibxxac da ddigm tvtvaren ar ten tsttagh. Tnnas Mlilij:
-yak awyma

tetcciten… Paten tzlitagh… mun d ubrid annayen assid s yan ifri ddun zars afen dis mma tarir tnna yasen:

- kcmad a lqum s ghuri pat ur nnigh ad awn skergh amya ixxan… wala ken tcigh… tnna sen mad ad wn tggagh iy mensi imih tnna sen:

-tarwayt d wudi aystahella wunna ur ilin mayes. Tddu tarir tsmer i trwayt tasi abuqal tnnasen:

-Pat ddigh ad awn d awigh aghu ar tini nettat d ighfens: "haw a tazuggart… paw ad taferqact.... Paw ad tawraght.. "alligg d tkar abuqal s ughu nnes imeh tughul d tawi d aghu trwayt i lqum tawghas Mlilij. Walayni mhemd d as iggar sahbu nes… qqimen ghur s imalas imih yan was nnan as itarir:

-amma tarir ur djun ar nnit mad yant tkurin put illan afella n tmujiyt in tnna sen:

-tan tga tin illamen tan tin tuzzalt d wasif d isufar d tin tisent… nnan as digh may gan itves nem tnnasen:
-itves inu igat ig da shilhilen iysan ar shiwwin iydan ar skuaun ifullusen ar ishirhir wasif ar squrrun igra ar smaaiwwin imacciwn. Azemz nnagh ad iykkat itves. Qqimen lqum allig da shilhiln iysan ar shiwwin iydan.... tgun tarir imih fren lqum rurn as Mlilij ur tghiy ad t nzvur maghef tetcca aghu n tarir i babet mhemd yawi t s yan ifri isers t dis innas:

-qqim a Mlilij y ifri ddegh ar d awigh may kem snaygh… allig tnker tarir tfferd s imi n ifri tafed lqum pat ur llin tddu ar ten ttinig tkcem s yat tfrit tafen dis Mlilij wahdut izri t dis mhemd… tddu tarir tbabt trar t s ifri nnes… tsers t aflla n yat twrirt n ur ilkim awdyan ar as tikka timitca ihlan… azemz nna gg tgmmer dayas ttini tarir:

-"grid adlal nnem an aligh a Mlilij a Mlilij a Mlilij..." da yas tid tggar maca ad as tfek ma d asd tiwi…

yan was iddu d mhemd yawi d iyyis amllal maca ad sen yawi iddu s ghur s iffer tvartv Mlilij aflla n tarirt.. imih tddun tarir tnn as i Mlilij:

-Utvgh atvu dur lligh tnn as Mlilij:

-ur illi ghir nkkin amma tarir mek trit ad i tetct tnnas tarir:

-laaib nnem ad tsttagh ima kmmin ur nnigh ad kem tcegh… allig tdda tarir yas it mhemd yawi t nin iyyis gnas yan uggdvidv afella n ughanim kud nzzeghn ttininas i uggdvidv:

-mani d tgula tarir tikkelttamzwarut nnanas:

-saql saql a yaggdvidv mattannayt innayasen:

-annaygh ancten uhbub n usemaaun.... tikkelt tissnnat nnanas:

-saql saql ma ttannayt innasen:

-ancten uhbub n waqillu..

tiskratv tikkal nnanas:

-saql saql a yagdvidv mattannayt innasen:

- Pat ar ttannaygh tarir...

(la suite a la prochaine)