Ur ssinegh may ira uzemez ddegh,

Ur ssinegh mas tteddun medden,

Ur ssinegh is bbeddigh, ggulligh,

A tasa nnew ur tteghima d yireden.

Awal innew, iffegh d imi ass a,

Ur yad isul may ittini awd yan,

Ur yad sulen awd idammen g tasa,

Ur yad isul may iqqis awd yan.

Righ ad inigh yan wawal irewan,

Win imezewura d imeggura nnegh,

Aceku geren akkw s waggwa, zewan,

Ku yan yini yak ur i igi Rebbi nnegh.

Ku yan ar day itteqqel s wiyyadv,

Afad ad ssufeghen aggwa g wakal,

Ur issin xes i ughejedim d ugheradv

Ur inni a n ig awd atvad g ughelal.

Ku yan ar itteqqel ay ikk iyyis akal,

Ad yad ur ighiy ay yasey aggwa,

Ur issin is qenna a n yagh aghelal,

Ay itteddu ar ammas n tregwa.