Ur  batvegh                                                                  

Yaru t: Oeqqa (Amur n yakuc)

Ur batvegh a tasa mek gwerrehen idammen

Ixebaren n tayri gan zund win idmamen

Mad agh yiwin a tasa s ujeddig n imlalen

Ad t nestara seg Oileqemt ar nnig Bumalen.

Ur ad k batvegh a yimi ig as zwan imettvawen

Ig isawl uzwu g urennar, ig walu imettvaren.

G unebdu, da ttekka tawerghi tanjayt n uzelag

Ibedd unebedd ar d iwehel, iqqim d waddag

Ur ad k batvegh a yafus g d mmeghint tilfagh

Ig d usigh agelzim, gweregh amud n tfinagh

Ad d immeghi wawal inw g udem i wmelal

Ass nna g ittver udelal zund tawrawra g wakal.

Ur ad k batvegh  a yul inu mek tergagt

Ddag tannayt g tefsut asmun inu s lonayt

Ddag tessudda tafuyt i wargalen s tifawt

Negh tsellat i tmilla tekwcem s uketef tjawt.

Ur as batvegh i tghufi nnek a DADS ig i tagh

Qad seghlegh id  oari, kkegh tizi g d lmalagh

A bu wudem immummin bu tferkit tazeggwaght

Pan unna kwn ur irin pan amuttel nnek pat yaghet.