Tutlayt nnegh imira agar tikki t tanekra Lemmi ad nzverv in tutlayt s umata ad t naf am ilel ameqran. Wel gher s tagara, d u d as ufun ammek tisi tazwara. Yella dey s may yedder af imuran nnes, d yella may yeffer dey ibutvawen nnes. Yal tutlayt tella af udem n tamurt gher s tmeddert nnes wehdes d tedder s tajnagt d aleghmatv, am tmeddert n ales d tixsi.

Ilsawen si ghessun tet wwin ted, d agar imawen tuzzel, d ssarwen isekkilen nnes, bac ad t tedder ur temmet. Tutlayt tmazight sey timezwura, tid lulun t d wel yuc qqimun t, tutlayt nnegh Seddigh tella an ass-a, wel temmet d wel tekmu tira, maca teqqim agar ilsawen wel temmetta.

Imazighen imezwura ssufghen–d isekkilen d urin seysen, d semman ten tifinagh, dula urin sey sen d an ass-u imazighen n tamesna wel yu-c ttarinsey sen. Maca isekkilen n tutlayt tmazight wel nnlfen, d wel rnin bac ad tesvel tirasey sen, qqimen isekkilen drusun. Ayen wup yedjdju tutlayt nnegh war tira, d rnitlufa n icenga d tutlayin nnsen, acengu deffer acengu. Ukren sey s tawalin, d mlun tyin nnegh, zelfen idlisen nnes, s isem n ddin dey asya negh awrubba.

Sey ussan n agellid cicenq an isuggasen ineggura, djdjun tutlayt nnegh d tgujilt agar tyayetv. Atvasv memmu yuri d igu ddirasat af tutlayin d iqaren agartaorabt, taramit, tafarisit d tyayetv, slid tmazight u tessegren d wel urin ghef s ula d amatu.

Utlayun af irxa n tawalin d ammeklulun t, d tutlayt ammek tewwi s tutlayt. Ddayet in tutlayt taorabt tewwi s tmazght atvasv n tawalin, maca imussnawen upa irxa nekren tamazight.

Mmay wel urin af tmazight ???. D ass-u iwdan n imir-u ugin tet ad teffegh, d asen tberrem tmeddert nnsen.

Amawal:

tikki ------ القطع او القص

tanekra ----- النهوض

sumata ----- بصفة عامة

imuran ----- الاسطح

tajnagt ------ الجسم

aleghmath ----- الروح

ales ------ الانسان

tixsi ------ الحيوان

ssarwen ------ ولّدوا

wel yu-c ------ ما زال

seddigh ------ ما زال

tekmu ------ دخلت

temmetta ------ منسيّة

nnulfen ------ تطوّرا

zelfen ------ حرقوا

ddayet ----- بالنسبة الى

mmay ----- لماذا

tberrem ----- تغيّروا