Tamenttiwt(1)

Yura t: Xuttur  Saoid (Pulanda)

Min zedmegh d axarres arendad i tefras nnem,

Carfent ayiI s rxezrat i tuyred ghar wudem

Ccatent ayi id s tezwawin s taycit irepmen.

Nnigh d aswadv inu i tentt ghad yzermen(2)

Zixenta ura d aswadv yedwer d iyemmumen(3)

Tzvedghed ayi tmughri yetteccen s uparem

I mechar sfidjtegh raggûj inu day m

Radas war t' iwidvegh ragûj inu d asittem

Ad dewregh d aniyna x wajjaj war yenpimen

Yennestef deg ûmezruy yuyer ghar s unuddem

Yeswa deg ûxares ssedren iyezzimen

Ijjen d azghat d tiqqadv war yarcimen

Ijjen d idva yessummet inezdamen

Ijjen d imar d acemmus n ixemmimen

Usigh d ad xam arzugh deg ûcenkir n yexxamen

Ufigh cem d tamenttiwt di tungint war yensimen

D txabect n iseqsan twarit war yeoirmen

Amawal:

(1)-xmi ittiri ca n n wanu, tasraft nigh dahfur yeghza attvas zeg wami uca ad asen ad t' ghzan oawed ttafen belli car nni war yeqsih xenni qqaren as araq a d tamenttiwt yeoni tugha d tamenttiwt yettwaghza.

(2)-yezrit

(3)-tourrict n arbio nigh n yetran. Izri: a yitran ujenna imunnen d tayemmunt.a yarebbi ad tegged tasrit nnegh d tamimunt.