Cfigh Bunadem

Yura t: Mmis n Ifran (Libya(

Di talji (صباح) s wassan n amwan (خريف), ighecd (اتلف) atvu tibratvin n timektit d tumast d isefrah (اطفئ) tfawt n taftilt. Dapat ssligh iserser, wup isngng (جرس) n taggra n umezruy. Ukzegh (فهمت) bac yadeqqimegh s afsay (ذوبان) di ittay (نسيان), cfigh ad utlayegh, cfigh ad arigh.

Uwwan (قالو) yal izerfan tehkem bunadem. Bdigh sesstnegh mani tann (تلك) izerfan, i tutlayen fellas anebadv n bu-drimen. Sugregh f bunadem d isulam(جذور تحت الارض) nnes di merra idlisen n umezruy d amawal n tilit (وجود). Ntvegh fellas wup bunadem ghellaght yella ghen yemmet, nisi (لا احد) d mammu a yerr ula ujenna tessusem. Rnigh sesstnegh f tarrwa n wakal a mmis n ijdi d mass n ighed (رماد) deffer mettan (موت), amuddu ( رحلة) n tasussmit f bunadem. Tfawt n taziri tqreb seg di... zvrigh iblem ammek allun (نافذة) g ujenna yuden ahenkul (سواد الداكن) wassan nnegh. Welyuc amhitv (جرح) di adghes (لب) n alaqen (ذاكرة). Matta yella g ujenna gher tnast (مفتاح) diden itran, nessiwel fellas a dapwan a derzven bugel di wakal.

Bunadem wup wel ufight... gher djerrvt nnes f ijdi z deffer tidi n itvaren d tifexsa, ennj wakal tup azvawali n rapt ( شكل الانسان)... djevrvt f ijdi... uguragh z deffer yal djervrvt ansi utvegh in timentvelt (مقبرة) tameqqrart. Zvrigh dis awessar yemgaomez yella wahdes d izver in nnj al ujenna, yakuc meqqer. Tfata isuggasen d yuren d wel dadyas inijiwen (ضيوف), wid uwwan addu allagh (قاع) n wakal, di ifesti war awal g tallest mani anerzuf (زوار) wassan ayed. Tutlay iman (روح) day yessusem bunadem.

Itaw (عندما) usigh d in awessar disen-nes yapwa acbub n wanzvar. Di taghmmirt (زاوية) tanaonuct zdeffer tadwit yusiy d isessten n igenna (سماوي) matta iteg awessar wup dapa?? kanc ighes ayennfa asebter (صفحة) n fad d lazv, s taruyt (كتاب) n bunadem, mad (ام) lazv nnegh yetci t fad**??, d ides a yali agedvrur (غبار) d yekes teqqa (حبات غبار) n djerrvt al nnj iden azref n ujenna. Atvu yus d yedwel yewwi tabrat n iseblulls (الاخصاب) yerni yejmao iblem iman-is yughal d s amellal in azvetvef. Ukzegh nit addition uwass (يوم واحد) i wakal d bunadem. Zvrigh ukul d iban disen ifermel (تشقق في اليد)... is yemmet bunadem??. Matta yedja dapat, duggit (هنا بالقرب) addu amur (غطاء) n tamurt, gher djerrvt nnes it-berbec f ismis jar aguday (كدس) n issestinen. Yepwa anzvar ansi iseffsi (اذاب) timast (كينونة) n djerrvat. Lmatta imettvawen??. ap... Ass a nawlu nnj g taghramt (مملكة) n ujenna, d izvelwan addu di acal. D acu mant yemmut?? Rnigh arwihi lezzdat… day qqimegh disen awessar wup. Seqsigh f mantten yemmut?? Is ldjerrvt wup i mettan?? negh lli yedder??. lessen sussmen ajenna d wessar. Macca lalla iblem tetru imettvawen.

S deffer ujenna asenjaq (علم) isemmssa (حرك) tislit n wanzvar (قوس قزح). Idd nnj yeffegh wurrif (غضب) n tanit tetvennec yal illan s iblem d ijdi, ula d ighsan n izvekwan. Fad yenghanegh, yetceobetv awal nnes f lluka (حبل) al ilennej yessiwel fellas yeqqim ijdi n acal yetnussu (يضعف) yuwayes neghs ad neffegh… neghs ad nerwel z deffer wari n tidett, kanc ad nemmet bac ad nawetv tantvut (ساقية) n ujenna d nessu jughmet (جرعة) s taderfant. Talluft n bunadem di wakal muc iden umazzan (رسول) n aghram n ujenna s ameslay umyiyen (  الاساطير) yus asn d irra (رد) s tanit… lazv ttarvwa n tagut ula abelghus ak-nder ( يتالم ) s tagemmimt (جرعة ماء ).

Is netta imir n tagadjit (رحيل ) ghen matta?? Zvrigh awessar f udem-is nizvray n tamlla (الشفقة ) ibedd s ameslay ufsus (خفيف) yerra fella awessar… “udi s uzemmur, tanfust n wamur yemma lalla libya am yur teffegh s tquzzat (خصلة) tfwat n itvij, tawenza tertvedv titmimin n lemluz, ahmurred (استنجاد) in tcem.. ulac.. ulac.. Tanesmutvtv (رياح باردة) teffla in tamazirt, tus d d twella z deffer n amarur ( سراب ). Netc sesstnegh in tcem a tspwid tamallut (الرحمة) f iman n tinettit (الهوية).”

“Izemzer (تبعثر) yal matta d yella d wel xsent yudan n tagut, addu n wacal sussmen denneg iblem n ujenna uwwan way in ittay. Rewlen s tidett ur tamnen s tilawt (واقع) ddren di tallest…”  yutlay awessar.

“Wel yeqqim ghri gher ifla (بضع) imeslan n alaqen (ذاكرة) muc s alaqen (ذاكرة) inu matta yademlghak timektit n wagdud lli yella di innekma (تألم) s tamettant day yemmut. Matta yeqqim i tinettit (الهوية)?? tedja yal ghres s timektit d adles…. d tutlayt n bunadem wup”.

“Dapa qqimagh seqsigh lli illan g izekwan d nettnin tvsen d acu sellen gdi d netc di imriran (تحاور) idsen, zvrigh amalu (ظل) nnes… way tinettit (الهوية), di tisit n timktit (ذاكرة) inu. Nghen t… Teslid… Nghen t”.

Yeqqim awal jari netc dides awet wet (كلام متقاطع) day yessusem awessar. S tazzla rzvrigh allun n alaqen (ذاكرة) iw bac ad yesbedd atvu n ittay wel ad yekem… acal war truggayt d war ittay (ujenna tutlay). Ammatv s tasussmit iwella awal n uwessar. Yenna awessar d tikkelt nidven welyuc izver in ujenna, yuwat s ameslay n tanfust.. ”netcin nella mammek?? Nisi (لا احد) manten yessen tamrarut (الاجابة)… tessned netcin nebda s sin (لا شيئ) d neqqim denneg sin. Tameddurt ammek asayes (المسرح) illan dis meddan kul idjen ghres dur nnes, yal isugur f tumast (ذات) nnes. Yal idjen seg dnegh yessen djerrvat nnes mani tsiwetv. Tameddurt amastan (ستار).. tamettant amastan. Ass a tameddurt ayetca tamettant, wedpat tamussnit n ujenna.”

Yekmu idv, is tsisawt (القصة) temda?? Ghadi (هناك من بعيد) i ban isuta (اجيال) s iblem amak tatint (دخان). Lughddin (في ذلك وقت) Sugmegh taneglist ( ملائكة ) n ujenna, ghen ad yapwa ja (دلو) dis teskret (رسالة مبعوثة) n waman bac aywella asif in adrar, aktwa arnagh (إله) n waman amallay (الرحمان).

Djigh awessar, cfigh ixafuren (شهداء) n tilelli d tidett, di annaz itemmet yal adref d yulul bunadem atrar. Matta yademmlegh nella di turemt (زمن) nnam (كبرياء).. Idd (اما) netc ikan idi aclif inu uwigh t d uguragh di abrid asiggel (البحث) f tumast. Alemmi bedagh zvrigh asermttv (سهم) tamatart (علامة) g ujenna, yewui ides awal, cfa ghadi yemmut bunadem d dapat ibed bunadem idven. Tasuna (مسرحية) ikkas (تعني نزع شيئ و يقابلها استلاب) n tutlayt d inghay n  tinettit (الهوية) .

Tup tazwart ukan…

(Yuri t: mmis n ifran ass 3-10-2003 tripoli- libya)

Amawal:

Truggayt=  خرافة- tanfust=اسطورة taderfant=الحرية dides=ومعه

lughddin=في ذلك الوقت timilawt=لغز ifersan=شقوق ja=دلو yessutva= اسقطى iman=روح yutva=سقط yepwa=نزل yeffla=ذهب واختفى yemda= انتهى ijdi= تراب  ighed= رمادyused=أأتىayetca=دا ghen=او tagdutt=جمهورية