Sidi Hemmu d wuday

Yura t: Demmami Lhusin (Warzazat)

Idda sidi hemmu d wuday rehelen. Kken abrid. Uday ghur s yan ugheyul. Sidi Hemmu ibubba tazverebit.

D as ittini sidi hemmu i wuday: "aseyin". Yughul wuday ar afella n tujjimet, yini i sidi hemmu: "mek tufit mag teseleghet, teseleghett". Tafuyet teregha, sidi hemmu tezzva yas tezverebit, yagh t fad.

Allig dverent tillas, ddun s yan leoelu ad diges gwun. Yili usvemmidv. Ihawel usvemmid i wuday. Sidi hemmu immunnedv g tezverebit. Uday inegha t usvemmidv, das ittini i sidi hemmu: "delin". Immunedv sidi hemmu g tezverbit, yiniyas: "mek illa mas tedelet, tedeletis".

Inegh usvemmid uday. Yanni pat ur teoebir, yasi afa ar iyebbu tazverebit n sidi hemmu aliget kullu iweba. Imik yagh usvemmidv awed sidi hemmu ayeddegh oetanet teghisa g tezverebit. Ineker sidi hemmu pa uday igen, d pa tazverebit tega ixucca, iqqim diges lehal s imekinnagh as isseker wuday. Ineker iceregas imi i wegheyul, igas asegeres.

Nekeren d tifawet. Innas wuday: "mer tezverit a sidi hemmu, dad ttegezen iteran ard gebun tazverebit-nnek, alin digh" .innas sidi hemmu: "reoebegh! ayennagh ami da itvessva ugheyul-nnek alligas icerreg imi!".

Ddun s ssuq ad zzenezen. Sidi hemmu yadvu tazverebit, yadej dilligh issa s-afella marad ur

dveperenet teghisa. Uday igas asegeres i wegheyul, ad ur ibayen imi nnes. Qqimen g-ssuq marad zzenezen.

Iddu d yan ira ayesugh tazverebit n sidi hemmu. Isughetti t. Ixelesvasv. Iqqim lehal g-wuday. Innas i wereyaz iseghan tazverebit: "i rebbi id tazverebit a tesseghi t neghed inifif?". Irar as d wanna iseghan: "itterehamek rebbi". Iqelleb tazverebit, yafetten teweba kullu; izveyyer sidi hemmu alligas irura iqariden.

Iddu d yan ira ayesugh agheyul n-wuday. Issekerides atig, ixelesvas. Iqqim lehal g sidi hemmu; innas i wadda iseghan: "iddis teseghit amezvan neghed awessar?". Ikkes ureyaz asegeres i wegheyul, idveras imi s akal.

(Iseman t:dmami el-houssine).