Tamezgunt:

Amennzlu

Yuri t:  Mmis n Nfusa (Libya(

G tigherghert tanonuct, adewnni jar sen, ad gezzan d amennzlu s tutlayt taqburt…. Tudel Assu wussan s tisegma s yur s assuggwass….

Agezzan: yuli wass.

Amennzlu: ass-nek d ameggaz a mass.

)terjiji amennzlu s cara)

Agezzan: utlay ghen kker…u la d tikkelt.

Amennzlu: s asennat (بداية) a mass ghen… (Isbeddi t agezzan)

Agezzan: matta welyuc f aneggaru.

Amennzlu: aoettvab….aoettvab d abadan (شلل) g iles..

Agezzan: lemmi… d ajabal (غريب).

Amennzlu: itvellin... Tsvara… Lemmi (عندما).. Lemmi. (ibed g awal d it-emmit)

Amennzlu: kksagh abernus d ffghagh.

(izver nnej, aneffis d azvelmatv)

Amennzlu: ffghagh barra.

Agezzan: akka… Ugz agh.

Amennzlu: seg asemmidv.. Way (نعم). ula d netc ugzagh.

Agezzan: apa.. Apa (لا) mi tugzed.

Amennzlu: ttugh cara.

Amennzlu: g talji ffghagh, d djegh abernus.

Amennzlu: tikkelt titven (مرة اخرى )..

Amennzlu: ugzagh.. seg aguggu (هواء ملوث).. way.

Agezzan: apa.. seg idles n tigufsant (ثقافة ملوثة).

Amennzlu: apa… apa… mi tewwited dis.

Agezzan: surf-iyyed uwwa…

Amennzlu: akka….

Amennzlu: suggwr-iyyed f asafar n assa.

Agezzan: asafar n imzura..

Agezzan: s udrim ghen s ubennan.

Amennzlu: ghri arwihi n asurdvi taqburt.. mi ssnagh ghres azal g wakud-nnegh ayed.

Amennzlu: d taqrist teqqur d ammatvu n takemmart g asegres.

Agezzan: Matta welyuc..

Amennzlu: ghri tagzi (سر)… a mass.

Amennzlu: amalu-inu yughal tergu (غول)..

Amennzlu: tettca yal ixf-inu.

Amennzlu: mi seqqmagh ad ugmi ula d isem-inu.

Agezzan: timilawt ghen tanfust.. tufidas tulya (إجابة). ssel.

(Yus d disen-nnes, s imesli ufsus (خفيف))

Agezzan: tagwda.. tagwda agmudv i yal attvan.. kan.

(s imesli ufsus ghed (أيضا))

Amennzlu: amgal a yegezzan… amgal.

Agezzan: timggit ( عملية) tazzla… ukan.

Amennzlu: tawezghi (مستحيل) tamayujt… neghd.

Agezzan: astaf (إستصال) s izvuran… ansi tadrut.

Amennzlu: mi dis tabrit itven… agezzan

Agezzan: amgal n tagda, inqatv ixf uwwa..(s urrif, yutlay)

Amennzlu: amettal.. mani nella!!!

S tazeqqa yeffegh, s tilawt yerwel, deffr s yedja asafar. d ayed waddad nnegh s dula (من قبل).