Awarni wemsafadv

Tura t: Mayssa Racida

 (Bentveyyeb, Nnadvûr)

 

Awarni wemsafadv

Yewta wenzvar

Ghenjen isemmidven

Taqessist n tfeswin.

 

Awarni wemsafadv

Texsi tadjest…

Tesdvu muka…

Yexra wexxam inu

Sseghdent triwriwin.

 

Awarni wemsafadv

Teghri tudart…

Teyra d tennedvni

Necc yardvegh aghedjuy

Sweddaregh aghirad s ughirin

 

Awarni wemsafadv

Qedvwen izvenzvaren

Yexsi wertax

Fesxen rehruz

Mani mmutent tfuyin.

 

Awarni wemsafadv

Oarqent rxezrat…

Abrid yuyuren…

Necc beddegh

Zi ssa ar dipa d tisvurifin.

 

Awarni wemsafadv

Mcubcen wawaren

Qeyhen iraghan

Zzman yesqar…

Axmi war day i yessin!.