Min
teona tudart
Yura
t: Muhsin Buoezzati (Nnadvûr)
Qqimegh
x ijjen wezvru
ghar daxer di
tebhart,
ayr
tugha yepwer,
anzvar tugha
yeccat,
reqrem
deg wfus
inu, qqimegh
ghar teghmart,
ttarigh
awaren x min teona
tudart.
******
Ufightet
d iwaren id itawen
rehriq
ufigh
tet d tidett,
ufigh tet d
axarrviq,
tazvyudvi
nnes ttekkes
ttawi, tedwer d
doiq,
azvri
nnes iweddar
yesmeh yuyûr
yeddiq.
*****
Ufigh
tet d ssejjart
ik ggamen
imunas,
ik
teggam tfeqqeht
ig iteddar
utarras,
ufigh
tet d tacuwtit
yesruf as useggûs,
yeshissif
akid s yarbu t x
weorur teqqes.
*****
Ufigh
tet d tahefyant
war ghar s bu
wudem,
ijj
n wass aqqa t
tfah wenneghni
qa tebkem,
ufigh
tet d araji,
ufigh tet d
asitem,
ass
yedvfar umas
kur ass iwa d
rpem.
