Muray muhend

Yura t: Said el farrad

Mayemmi tecnid?!

Umi tesrid!

Umi tucid!

Nnan dayc min war ihrin?!

Maghar itghemyed d arbio

X teznunin?

Senej d ituma n usiynu

Swadday d tisarfin?

Timessi di rkucet

Tescaba tibaghriwin

Tawent id ghark d shaj n tirjin.

In ayi mayemmi a win?!

Itesexnunsed udem nnec

S wesfirnen

Di tariwin?

Itoin ca tezrufed iqaccawen i yxarisen

Ghar tfawin?!

Suya itesnad raxart

Xmi itkessi ca n ij di diset

Tesrufa s s trezect x uoeddis

S ixfawen n tedvwdvin.

Xmi i d tejja mmis

Tsemqarenn as t irsawen “meskin”

Meskin!!?

Meskin!!?

Meskin ittves i wesqar deg uhsin…

Meskin ifaq d d acarcur…!

Akd usemmidv itoenoin…!!

Meskin iteg “daduc”…

Surufent ssa d sipa tsuntawin… !

Meskin taseklut nes temghar

Toeffar s tafriwin…

Meskin tzedm it rallas n tmeqqasin!

Idwer d ijj n tehnect jar thenyin

Iseqqef tiqseft a n tmedvrin

I cek d meskin???

Pa wen cek inghin

Pa wen cek ighrin

“Mawtsi tungh”

Tin … d… win

Byegh xac acewwaf n taganin

Darnegh tifray n idurar.

Dzaregh ighghed n tfeswin

Nigh ad c afegh d tafarettiwt

Xsen ad t qezzarent tgedvfin

Nigh ad c afegh d tmadja

Teskumec jar tsedwin

Seoa umi ghad zaregh ghar tnezruft amyin…

Ufighc d ayrad

N tmennawt itbuo jar treghwin.

Uyur d.. ayur d!

War taggêd ayur d?!!

Qa cek d mulay muhend

Zayec aneghmis war nessin

Zayc aqemmeh i yin kidnegh itemseksin

Uyur d.

War taggêd arrif ad ig fus x tenyart

Ad yini min iona win…?!

Qa dcar nnegh d amadval

Tungint tenxuxer mara war cek issin

Awar yuynu mara

War cek isemqar s massin

Uyur d..uyur d

Qa itoin tesned anuri xmi ighettver

Diset n tirugza

Inetr it umezruy di tqaccawin.