imirn n usggûs

Yura t: mohmed arjdal (bouizkarn)

Amawan a bu tmjaywicin d ukdrur

Ad sususnt ifrawn n waddagn

Lah tafukt sntlnt idaliwn

Ar sawaln waggagn ar katn usman

Timqa n unzvar izwarn ad ittarn

Ad kulant azttva n taslit n unzvar.

*****

Tagrst amu usmidv d unzvar d utfal

Gutn ismdvan d ingayn d wattarn

Atfal iga tilst idl akal..

Azzlat a tazzanin ad nskr afgan n udfal

Ara tirirat a ttazzanin turart unzvar:

"anzvar, anzvar a baba rbbi

Tuf tummit bu fggus

Yaf bu fggus aghrmi

Yaf ughrmi takida..

Anzar anzar ababa rbbi"

******

Tafssut amn tzgzut d ujddig

ftan imdvla d usmmidv, ifiwn ignna

Idl udm wakal s tuga, ircm s ujdig

Ackad a tazzanin s igran

Anttay fitllis ar nsflid i urarn ygdad.

******

Anbdu abu tirghi isnwan igumma

Gha srwatn imkrazn taffiwin

Nsifidat a tazzanin d tinml

Acku tizi uwsunfu a ylkamn

Munad ad nag yill, nazvr taddangiwin

Nbnu ighrman s umlal

Nkkid adrar dar iskula zuzwanin

Ad nzvr imuzzar waman mimnin.