Tammurt inu

Anir yuba (Issam hafr)

Mac gha ggex ad sxigh

Zeg ralla tammurt inu

Ccin cem wamzviwen

Ugin ad cem tt idaren

D izvewran nnem i ten yedrin

Netni ugin ad cem fekkaren.

¤ ¤ ¤ ¤ ¤ ¤

Nec a tamurt inu

Nec i kim gha ibeddan

War zemmarx ad ttux

Rejdud i da yem yeddaren

Mmuten xam s uqartvas

Zzvun dayem taziri

Waxxa arzzun ad t qsan

Neccin war ten tejji.

¤ ¤ ¤ ¤ ¤ ¤

Cem a tammurt inu

Cem ghari ioizzen

Netni qan anex ttut

Netta ajdvidv oammas war yettu

Rouc i di yeyma

Bessif a tamurt inu

Xam i mmuten rejdud imezwura

Roiz nsen deg ur nex yemghar

Wwin aneghd tfawt

Neccin i zi netwara

Rexxu ssidfen d xanex tram

Deg zmana aneggar

Qeroen nax, ndvren anex deg rexra.

¤ ¤ ¤ ¤ ¤ ¤

A tammurt inu

Mani llan iwdan nnem

Kurci mani tesqar

Inay mi ten ibedren

Ma tudf iten tzura

Smhen dayem iwdan deg rebhar

Ommars ad tesrix

Ca n ij isseqsa xam

Ttun tammurt nsen

Ttun mani niyma

Semhen deg tammurt nsen

Jjin t ad dages iraren

Mani tekkim ay iwdan

Ma temmutem, ma teddarem

Tejjim raser nwem

Deg oeddis n ifighran

Raser nwem iweddar

Qqarn awem u ken yiran

Ammu hesnawem

Kenniw dages isemhen

Lla tabrat, la aseqsi

Tejjim tammurt nwem.

¤ ¤ ¤ ¤ ¤ ¤

Mermi gha tfaqqem

Di tammurt nwem

Ad tmunem ad tenjemoem

Ad tfekkarem deg wazvri dayes

Azvri nni yemgharen

Kenniw war tessinem

Ruhet gha yen dawem tiwyen

Huma ad ken sfepmen

Kenniw d azvri n tmmurt

Qqaroen ken

Zzvun min dasen iojben.

¤ ¤ ¤ ¤ ¤ ¤

Faqqet cway zeg idvs

Ad tzvarem min ituqioen

Qa ccin aysum nwem

Swin tidi nwem.