Imik n twargiwin

Gh usga yan n tflwin

Qnnin rglnin

Gh darat tghdwin nuzzal

Aghn annigh ankraf

ur issin idv ula azal

ula assaghn n ussan

urat siwidvn iskraf

ula ksudn tillas

rzvmn i uswingm

ifayr yayl s ignna

ig tiwargiwin

sudanin imdla

tlmnin advu

ar starant timizar

zdvint iztvman

s iznzarn n tafukt

gunant sisn ioban

magh tlnt tilili

skrnt gh uznzar isni

slsint i yixf n unkraf

gintt d umghar n tdrfit

ar grrant amud n ufra

bdunt ijddign n unaruz

bdunt tawckinin n tlili

tilili tilili

tilili i inkraf.

(aglmim : 28 - 01 - 2010)