«Le silence est notre langue maternelle», (Samuel Beckett)
Siwer, a yatarras
Siwer, awen i teddaren
Xuma ad iwddar axmi oemmars.
Siwer awen ifethen di rebhar d amessas
Siwer iniy anegh:
Wi id yusin ghar tudart
Uca yeddar nembra yemma s?
Ctar zi Adam.
Yeqqimen jar iseqsiten yemma s
Ma d mmis n Wakkuc
Nigh d baba s n ibughas.
*****
Siwer, a yatarras
Iniy anegh:
Ma cek d amexnas
War izemmaren ad yeysi tarzugi
N imunas?
Nigh cek d ameghnas
Yarzzun tudart yemma s?
****
Siwer, a yatarras
Ajer awar nnec d tiseghnas
Ass i di ghar k d texzar tidet
Ad ac tewc marra
Min i day k n tefras.
A ghar k yiri wuddur
N wen yedjuzen yemma s.
(Waccix , bruxelles, 28 /02/ 2007)
