Sadu ict n tsrighwa

karim kannuf (Aliman)

mani itmetta usvurif itnefrar useodi

mani ifessi reowin izerman i wseghdi

mani iwta wesqar di radjagh n imidi

mani tfuct tenqar uca tekka hidi

mani nghint svmayem ioerbab n tigwdi

mani ggint svrayem di dcar nnegh i weydi

dinni ifessi radas i reggûj n amudi

din itawedv itqas zi tara n tazyudvi

sadu ict n tsrighwa d tayujitc n urari

mani tbuzzvur tghennant x yedmaren n unuri

di mkur ass uyenas narezzef d s uwardi

narezzef d s tifras i neqqen amsebdvi

sadu wehsin nnes nghettver d taziri

nettat aorur nnes itudum s tidi

adarreo i tayujitc itakkes afadi

am udarreo n tisfay di tfuyin i yejdi

sadu ict n tesrighwa d ghari i reqmen tiddi

axmi dayi teqqar aqqet da akidi

ttafegh t tgeffedv tessu tipidvar di tiri

txezzvar tarezzu manis d ghar yek ziri

ttafegh t therwec d reowin i yurfen s tayri

mahend ad day tteg taseddect i yiri

awehhec itmehhec yerekkez s ufaji

zegga tugha ifsar ghar ihudaq n uraji

tzawa tessizgh anegh tmughri d amessuci

neccin tghimit nnegh aked razagh war tuci

rid nnegh zi terghegh nsekkef tisessi

rid nnegh nteffegh zi reowin nfessi

rid nnegh di jjennet rid nnegh di tmessi

rid ntaf ixef nnegh d afriwen netmeysi.

(karim kannouf, naduri@hotmail.de)