muhmmad arjdal g bizakarn
Araw n Amazigh ad gigh!!
Urad tugh afulki n amur inu
Urad flgh akal n tmazirt inu
Ligh tella tawja nu d imddukal
Tayri n Tmazight tella g ulawn
Tayri n Tmazight ngat g usnflul
Nrcm t g uklan nini t g tmdyazt
Nql ar manaku ar manaku??
Manaku, ran amzv izrfan ngh?
Manaku ran sbid tutlayt ngh
Ajjat imazighn ad ddrn g ubughlu
Ajjat imupagh n tiniri ad ilin g ufra
Yudakn g imaghn yudakn g imzwag
Yudakn g ulluzzu n tawjiwin
Yudakn g ujlu n tazzanin
Yuda, yuda! G zald d lazv ni ymadan
Ur nri tamatant n ku yan
Nkny nra tilili..tilili ngh ikmln
Nkny nra tadvsa n tazanin
Nkny nra tifssi nijdign
Nkny nra tumrt d ubughlu
Nkny nra tilili, nra tidrfit.
(Ass: 22—05--2007)
