Ifran

Yura t: karim kennuf

Arami udfegh ifran war udifegh ifran

Udfegh ghar tibehhar uyrent ghar isefran

Reowin d tidvewdvin ifessi izerman

I ssehra i tekkes fad nnepra yaman

Dayi yessemraywa i retxa yi deg wemcan

I retxa yi x rexwa ghar uzyenfi ifejjan

Rid nnes yetharreb x udem inu rwehran

Rid dayi iqedjeb s iseqqiren i ghuyyan

Faqegh d aked ufaqi aked uwarwir n zzman

Tghira yi da mmucerwegh mmuneswegh deg uliman

Ifran apya ifran a bu sin iqubban

Ijjen yesvfa am ughi ij rebda x ac iban

D adfer nigh d tifawin cek yedrin d icemsan

Nigh tinni d tixeswin iwdan nnec d initcan

Oin fital a tcuni a yaghennij n ighezvran

Min tyerdved d tghuni i mummu d imezran

Nnigh waxxa nnigh drus ura d min war nnigh d ccan

X wayrad n unehbus deg yewdan yesseccan.