Armet iseghdan

Yura t: Hafidv Bujdayni

Armet iseghdan x iqemmumen itremmamen

ighuyyan

Mudvet tisarrawin jeyfet iseqsan

Scemdvet izran di timejjwin yesruban

Qesset ifassen i swazzvadven war tciwarn

Maca qa tarzvim aseddi tesbeddem ighuyyan

Tarrim anegh ughir ad nesseghri min yeodan

Tesghim izedjifen s treqqi i tcettvarn

zedjon anegh deg webrid kkin odan

Maca qa d awem tghir qa yaryazen qdvan

Qa d awem tghir qa yfadden wdvan

Qa d awem tghir qa narxesv i ymesghan

Qa d awem tghir qa nettu min yeodan.