Tamazight

Namir n tifrit

ddaw yignna n tmazirt inw

ag tbda tayri n tutlayt inw

tayri nw tamzewarut

righ cem s ifsti d ufulki

righ cem waxxa ur msasagh d yan

ini yi.. id cmmin tinw..?

mid trit ad t taddut..?

ar ghifm sawalgh

nk d yitran d wayyur

s yidv...!

unfgh am ul inw

mqqarv di ttugligh

mqqarv da talla tmazert

unfgh am ul inw

addag issad wayyur..

da diks ttannaygh udm nnam

dadi kttigh bttvu negh

ddaw imttvawn n yignna

ar di kttigh...!

uzengh am timdyazin n tayri

arugh tent s waman n walen

..zvarvm..!

ur idi trurit

allig rvmigh

ssawsghas iwefus advarv

mac ad kmi di ssufgh zg tillas

afgh tnin silwn iwldday nsn

digm ag ar ttazun

digm ag ar tbbin ar ssnwan

ar zi digm skarn acanif

dat walln inw..!

arraw nem aghn ahidus

ur idi qqimi umya

ghir ul g trvzva tayri

ghir ul itzvallan s rrveja n rvbbi

ku yidv da tmuddugh

zvarvm...!

da tbbigh tighini

zrigh timaryin

mac ad annaygh asid nem

waa.. laynni

ger igharviwn n lmut ag tllit

annaygh cem ar tallat

ddaw umalu n ifsti

ar tadrt i tfidiwin nem

ar tmsvafadv d wussan nna ykkan

ra tettut amzruy nem

d ufgan nnacem iran

ra tettut awal d wacal

d yil yallan.....!

mqqar ur cmirin

pan nk boda ur sar cmi ttugh

a tasa.... qqad ttaragh s ufus nem

ar sawalgh s imi nem

yiri nna yran..

iqqim nna y tghiman..

ul inw ur sar cm ittu...!