Tufut
Yuta t: Mmis n tmurt (Libya)
Nuri ibrid azegrar s tira
Di ammas n wussef yutva warra
S wujenna tufut tutva
Ukrun ibrid izzat itri
Tallest tudent it tukza
Nsywel mani baba mani ammi.

Iderghalen nghel inzver nella
Ur nufu mani netvlun affa
Rewlun sis nnegh a yetma
S izvekwan tetcar tamurt
Nuri s imetvawen d tedsva
Di tsesawt nislu tufut tummut.

Nuzel ansi temda tazla
Nennetv af askil nnegh nuffu zvkka
Nuret nufu dis amawal d nufu tlaba
Nghes anakez tufu t mani netvlun
Neghru tufut welyuc tella
D ammas n wulwen welyuc iddrun.