Tawiza

ingid xasif bbin iberdan
llix g tigzirt, ger imedwan
grex aghuri lah maydi ysellan
yiwy actal, yiwy ikerwan
igad tileghmin, issentel ileghman
ihufd s unzvar, idel igherman
ingha awessar, ingha amezzan
iwet bu wghejdim, irdel unna ibeddan
medden igellin ahclaf aydgan
medden igellin, gan iwetvfan
argaz awessar, ula wadda d ilulan
nsan agensu n umda ighban
zund igwra mid iselman
grex titv s tafuyt d itran
lah isignew, lawla usman
ihma wzal, iga irafan
ddupdix, ur ssinx mayejran
awyid kan ineghmisen ayamazan.

A yasif sawl, may tufit aman
win lmarurn, mid win igenwan
inna yi ig tummer tgut, tkurn imedwan
tili tfuyt ar tteqqed, ar trezza izran
pat tamghra n wuccen ayd illan
da ykkat unzvar, g tafuyt ihman
tummer iwatfeot n uggun d izran
iqleb urgaz, qelben icirran
ar allant ttutmin, s imetvawen n izlan
arakk nalla, allig yax yagh wattvan
tislin n unzvar, ur tgi izriran
lah tammelli d tazughi, walu zzeofran
telsa imellalen, tekkes izebyan
am temghart mi ymmut urgaz g imenghan
tehreq tessen isaffen mas ddan
tigniw ur da seghrutven ula da ttesvan
ih, ils dda stturux aghuf mi ggullan
ran ad ttinghen, awa ran ad tti heccan
upu ifgha k lfal a yasif izwan
ap ayasklu new, drux ak ibbiy fad izvuwran
iksa k irifi n wasif izwan ictvhan
s ttawil ayilsinew iwawal nnek adu ttackan
ad yakez umesflid, timnatvin s imezyan
adur tsseoraqet awal, ad yisin ku yan
adur tteffert ini yasen mayd illan
tamazight aghuf mi sawalen izlan
datnaghen warraw attit siken izergan
attit btvun, attit gen d iqecran
atutlayt akem smunex attegt am itudan
kkex asanf gergh-am itnan
adur kmitcin widda ittebbin inerdan
s immir adam ssux iman
llan ayt ottva d ayt yaf lman
adak agmen ayasklu-new tsut aman
han irifiyn d ayt zayyan
iweodaw nnek, asrarn ifasen igherdan
llan isusiyn d uturgi d ubaomran
ataymat khiraken, ttawyat-itnan
dayneqqa isekla wasif izwan
ar ittawy dix wasf ifestan
xef tmazirt d taymat a oedmex ussan
ghuf tamazight d tilelli ad zlex iytvan
ur teggwit ayaldjiy itaghart d irafan
aseklu nnex zegzawen, isekla nnex olulan
adas ssutyex afrag, ssughas iman
meqqar tid inal wasif izwan
(koujout hassan, ouarzazat, 10/4/05
o3atta@hotmail.com)