Immanw… !!!
Yura t: NKOB Mhamed Alilouch (iyider)

A ha! immanw ighudan!!
Kem ad i ikan tudert isfan,
Tgit l allig luligh ussan,
Tekt I allig tcigh! sugh aman,
Tbabt I allig ghigh ad ddugh kigan,
Tkit I amarg nnem ihlan!
Ula tatfi n tudert ighudan,
Tmyt-t afad gnegh nekk idan ,
A ha! immanw irwan!!
Tgit I asid I ubrid illasn,
Tmmalt I kullu izerfan n ufgan,
Tsneot t I assidn s idvudvan,
Tutt t I xf mayd ihlan ula may ixxan,
Tssegmit I xf wawal nnem abayyan,
Ad ikem ihdvu wadda ilan igenwan d ikaln,
Ur nnegh ad kem ttugh waxxa illa may illan,
A ha! immanw icwan!!
Ttedvegh aghghu nnem amellal isvfan,
Irghan g tgerst d llyali mi ghzzifn yidvan,
Ikermen g usammer ihman, ghzzifn wussan,
Usigh d is tanumi d nniyt kigan,
Allig ur ghiygh ad skersgh ula zigh d awd yan,
Ula ghigh ad annigh mayd ijjan,
Ihlu ghuri kullu mayd ijjan,
A ha! immanw ighudan!!
A tattast n mawrd! a tuttubt n rrihan,
A yadvu n lghenbad iflujjan,
A ha! immanw irwan, ighudan…!!
Ad i kem yadj rebbi, isgidy am ussan,
Yadjagh ard amm neg aynna illan,
A ha! immanw iflujjan!!
Kem tammurt! kem tamagit!
kem kigan urd aynna idrusan!!
Mqqar sawalgh ar imal,
Ur nnigh ad ttegh I watig nnem ighlan,
Ad udugh gg iwaliwn…!!!
A ha immanw ighudan!!
Inigh am ajmil nnam illan!!
Ad asigh awaln nnem s ignwan;
Ar d as isiln; isinn as awd iwtlan,
!A ha immanw ioazzan.!!