Kuyass… tamedyazt
Yura t: Hammu Bucxar

agd idj itbaban s lgudat,
kem irrvezv wadif n wul
ag idj ara issbedden tutratin,
kem illuz watig axatar

tanejdit (leghrubit) ttugh ghers idvudvan
ad teqqas abrid ffir ubrid
gher uterrveh
day illa i wussan lgud icwan
iteddu s twala n temrilt yulin
day itvfax zeg leqfula
yawyax gher tsurrift tamezwarut irsin
x taghzi n umettvar aneggaru
day treccq ax is nekku
treccqax is d anali
 day ur neggid xas zeg islan  itvnin
ku y ass....
ttugh islan itvnin qeshen
ku y ass, ttugh ax nufit x wiyyadv.
is ax izri, mag ujren, may neroa?
illa idj usvensveg ifsusen
itawi gher tadeggat nessen
illa wzvazva itemghuren
lat awi gher wass irwisen ass
d lewhalitu itaffen g ku idj zzegnex
am titawin (inidan) it mayattasen stit
manig testi ad tili deg nex
d ammi ur ax izri anesti isekkinen nnex
allig n temlala la nbedd.
illa mara ittwarjan la ibedd?
inna urba ara d ilalen ffir n sin iseggasen
am uneggaru n sin n iseggasen:
is ttugh mara ibedden g wansa nu?
walayenni atvu ttugh it issghuyyu
zeg ubeddi nns ufeqqus, g tamunt n i ddan
izrit d y ic (...)
d useqsi nns izrin, ur ghifs d issaghul
 is igu arba izrin
zvwan (mmuten) aytennes da ur  imghirn
walayenni ur da izwi neghd imghir
is as iqqen ad innal atvu
ur d ad ilin xas xfes
am makka tekku leghdviga g tghuni nns takeswat
xef urba ara innvun s ttawil cwi.