1/amdyaz:

Racid jadal, assav n umdyaz lli yuran tamdyazt n «lalla tafukt; ilul v usggas n yan ifd d tza timmad d sa mraw d ttam v ammas n ifran n latlas mzzin.

Iga yan v invmasn lli ifkan tudrt nsn I tmagit n tmazivt. amdyaz ad iga yan v issalmadn n tutlayt tamazivt v ammas n tasddawit n ibnu zuhr v ugadir. vmklli iga assalmad n tutlayt n tfransist v uslmd wissin.

Iga dav yan ussalmad n usnubc v tinml n (u n s) v amknas. yumç tugga n lmastr v tutlayt d wawal amaziv v tasddawit n ibnu zuhr v tmdint n ugadir.

Dars tugt n imgradn n tirra f umarra mohmmad xayr ddin.

2/adlis: tawckint n tmdyazin.

Tawckint ad n tmdyazin «lalla tafukt lli yura umdyaz amqran racid jadal tga yat r tugt n twwuri lli iskar umdyaz ad dar ukan sul yakka.

Tawckint ad tffuv d v usggas n sin ifdn d mraw. llant gis sin d mrawt n tmdyazt, tyarant s iskkiln n lattan d win tifinnav, dad ur nttu masd takccumt n udlis ad tlla gis yat trzzift turats massa Maryam ossu; amma tazwart yura t warra mupmmad ussus.

Ird n ucka anzr iklan lli illan v ukccum n udlis ad; ran naf sin iklan: awrav d usggan nafn v tuççumt nssn yat tawllaft arav tmmal yat tmvart trzm ifasn ns tggiwr v iggi n yat tmdwrt tg ula akal lliv ndr; maylli rad nna masd amyawan ad lli igan tafukt dars yan watig bahra iggutn v tudrt n ufgan nttat ad as yakkan tufawt d tirvi, ir ur tlla rad kullu imt mad illan v iggi n wakal ad.

Tasga tisnat n twchkint ad ntmdyazin gis yat twllaft n umdyaz racid jadal lli yuran tawckint ad d ill ula gis yan mnnaw ikrrajn f tudrt ns.

3/tamdyazt: lalla tafukt.

Lalla tafukt

Ar km ssimvurv

Ar iyi tzzmziyt

A lalla tafukt

Taggugt v ignna

Tattuyt

Alv alln inu

D uflla

Ar ignna

Tznzrt

Ad iyi tsklulut

Titt tiwi iyi d aman

Tgit iyi d ubukad

Nadr titt

Ar km ssimvurv

Ma tufit…

Ma tugit kra sa km bbagr

Ar iyi tntlt

taggugt

Taggugt v ignna

Tattuyt

Ar km ssimvurv

Ar km ttalv

Ma tufit…

Ma tufit ar iyi tzzmut

Aaaap…

A lalla tafukt!

Tamdyazt ad lli mu yussi umdyaz nv s wassav lalla tafukt vmklli tga assav n twckint kullut. vmklli nzra

tbbi f tzat twal, kraygat asqqul ittaf yan watig nvd yat talva, tafukt rmklli ittini racid jadal v tmdyazt ad tga bdda tamatart n tattuyt d tifawt d waddur imqqurn vmklli tga tafukt ula tamatart n ufulki d tlili.

Tafukt vmklli d yiwi umdyaz nv tga yat tvawsa lli sa itwarga ufgan art ittiri s uggar, arn nttafa afgan immav bdda ast ilkm waxxa n tattuy.

Tafukt v tmdyazt ad tga kigan I umdyaz nv tga tudrt tga iman n umdyaz.

Yura t: lmuxtar lfryadi

Assaka n tvuriwin n tmazivt, agadir