vur nv di nlmrruk itwassn am yat n tidtt is tamazirt nnv tuncuk (se constituer, se former) s sin n tnttitin (identité): taorabt d tamazivt. itass d dix usqsi ad: manwn illan d aorab u manwn illan d amaziv di lmrruk? nra ad nini man ulgam (critère) zi vad nbäa jar wnni (walli) illan d aorab d wnni illan d amaziv?

1-astan xf usqsi yad ittini is amrruki aorab ntta d wnni issawaln taoarabt; amaziv ntta d wnni issawaln tmazivt.

maca min vad tili tnttit (d aorab niv d amaziv?) n wnni issawaln tmazivt, maca bab as d imm s ur ssiwiln vas taorabt, am twacunt nni (nna) i d yssodu utilibizyun amaziv mani nzëa is ipnjirn ssawaln tmazivt, maca baba tsn d imma tsn ssawaln taoarbt acku nitnin zi mknas maca twurn (travailler) ujar 30 n isggusa?

ntaf, dix, imala (mc) nsns (appliquer) algam alsyan (linguistique), is aybba (père) d taymmat d aorabn maca tarwa nsn d imazivn. mamc tzmmar twacunt ad tili tbäa jar waïïas n tnttitin akd uïïun n tutlayin i ssawaln imaslaän (membres) n twacunt ad?

amdya yad iskan d is aïïas n inni issawan tmazivt izmmar ad ilin d aorabn di tnttit nsn. maca addad anmgal (le cas contraire) mani inni issawaln taorabt tilin di tidtt d imaivn. s unalkam, qao imrrukiyn aorabn izmmar ad ilin d imazivn di tnttit nsn, maca ssawaln taorabt waha.

tamçla (la logique) yad talsyant iqqn ad tarr qao inni issawln tafransist di lmrruk d ifransisn di tnttit nsn.

arni vur tinlmgalin (contradictions) ad is ur illi ula d yan di lmrruk issawal taorabt tamdaddtt dg umsawaä nns assyan (quotidien). dix, iqqn ad nini is ur illi ula d yan d aorab di lmrruk.

2-ttinin oawd is amrruki amaziv ntta d wnni illan zg imzdav imzwura n lmrruk. uma aorab ntta d wnni illan zg inni d yusin d iminign (émigrés) vur lmrruk zi tmazirt taorabt n ugmuä (orient).

maca manwn izmmarn ad issnça (prouver) is ntta açur nns zg imazivn imzwura nvd s waorabn iminign vur lmrruk?

analkam is ur nzmmar ad nsns algam amazzaçar (racial) puma ad nbäa jar imazivn d waorabn di lmrruk.

afad ad naf trççimt (solution) i tmukrist n ubïïu jar tnttit taorabt d tnttit tamazivt di lmrruk, ad nçar mamc arçmnt timura mani llant sin n tnttitin tamukrist ad.

di loiraq mani llan aorabn d ikurdiyn, man ulgam zi bïïan jar wnni illan d aorab d wnni illan d akurdi?

aoran ntta d wnni inttan (appartenir) vur tmazirt taorabt dg unçul (sud) n loiraq. akurdi ntta d wnni inttan vur tmazirt takurdit dg ugafa (nord) n loiraq. amnni nnit di biljika mani llant sin n tnttitin, tabalunit d taflamnit. abiljiki aflamni ntta d wnni inttan vur tmazirt taflamnait dg ugafa n biljika. abnaluni ntta d wnni inttan vur tmazirt tabalunit dg unçul n biljika.

dix, algam n ubïïu jar ukurdi d waorab di loiraq, d uflamani d ubaluni di biljika, d tammurt u maci d açur ula d tutlayt.

iqqn dix di lmrruk ad yili waorab ntta d wnni inttan vur tmurt taorabt, u amazivt ntta d wnni inttan vur tmurt tamazivt.

 mca mani tlla tmurt taoarabt di lmrruk? mani llant tilas (frontières) jar tammurt n waorabn d tammurt n imazivn?

tammurt n lmrruk d ictn u maci d sin. s unalkam iqqn ad tili tnttit tamrrukit d ictn u maci sin. tammurt tamrrukit nttat zi lbda d yat n tmurt d tamazivt u ursar tuva tt d taorabt. s unalkam qao wnni itddarn di tmurt ad ttavul tanttit nns d tamazivt acku tddaffaë tanttit n tmurt itfkn i imzdav nns tanttit nsn. imrrukiyn, dix, nitnin d imazivn di tnttit nsn, mqqar ad yili daysn inni vur illa açur d aorab am sarkuzi aslway n fransa illan d afransis di tnttit nns, waxxa açur nns d ahangari.

d tad d tarççimt iqqn ad tfk tmnäawt tamaynut afad ur tvimi tmukrist tanttyant di lmrruk. iqqn ad tini tmnäawt is tanttit n imuvrabiyn d tamazivt.