Siwl a memmis n umazigh war tghima d aqdrun

Ini awar nnec ghaf isxsyen isfdvawn

Cek oemmars war tedjid zi lmajus

War tirad tafitast di tarwa n ragnus

Mani ma idja wazul tsighd az d afus.

Siwl a memmis n umazigh tigwdi maymmi

Ina sn ncin narzzu ad nini ncin, narzzu ad niri

Amzruy nnegh war idji d tamacaput n tayri

Tidett nnegh war tdji d taqssist tssudvus asseymi.

Siwl a memmis n umazigh i idves maymi

Siwl x tiqqest i c iggin tghufi

Srehmen d ghar k tamddit qber ma ad tghri

Mjarn ac tanwact qber ma ad tghmi.

Siwl a memmis n tmazight i wamnus maymi

Ina sn tirlli nswi t d acffay zi temzvi

Maymi iqnen tirja nec s susghun n wari

Uyren t s wukku di tjnwin n urumi.

Jjin cek tssittimed ghar tyar n tziri di tmura n regnus

Ggin ac imawsn qber ma ad tbdid

Arbun xafk ticmussin n wemnus

Ggin ac tacmant qber ma ad tinid.

Siwl a memmis n umazigh i wsqar maymi

Wer trajid ad c d yar ad xafk issiwr ad c d yar tirelli

Rjdud negh war djin zeg rebraben war sfitsen tiniba

Rjdud negh war djin zi lmajus war sewten iniba.

Siwr a memmis n ntmazight war tghima d aqdrun

Kkes xafk asnnan d tzeggûrt i xafk zzvun

Ina sn ncin d iwdan n tirelli

War nennum tudart n uskkum d umarzi.

(Mohamed ROUGIE, tamsamane77@hotmail.com)