Tarwa n tuccact

Yura t: Said belgharbi

Tezvwa d ghar negh tayyut, trehhef i dcar s ibehrar n rizar nnes acemrar. Rwazna tesghuyyu, ttemzawar, ttettar anuri i ymezdagh ijjin ibriden nnurezvmen i twasit n tarwa n tuccact. Ura d ijjen ma yarra s taynit i wjeojeo nnes.

Tarwa n tuccact mermi mma tus d tmeddit ad nnufesren zeg ifran nsen, textutturen s rhess jar tisedjya d ibuda n dcar ghar iyennaren n imezdagh.

Pa Rwazna icci t wur nnes, tesghuyyu x min tetten tarwa n tuccact zi tseqqar n imezdagh, ayennar nnes i twacar amen yeccur s iyazvidven, ayennar jjin t d aoaryan, ksen aoban i ssar nnegh tugha day negh yughin.

Imezdagh twacemten di rmar nsen yeggin tadukli aked yifisen d uccanen d uccacen yeffuden tisessi n idammen.

Tarwa n tuccact usin d ad anegh ccen, maca mayemmi ghar negh i d tasen wapa, mayemmi nejja iymaren nnegh arezvmen i weodawen nnegh?

“Uyaret ad nendi, huma ad neymar marra yenni d anegh i tetten tasghart nnegh, faryet iymaren nwem, gget anday d asentil i dcar nnegh, huma war d tidfen tarwa n tuccact ghar uraq nnegh”. Tenna sen Rwazna i yemshessa n dcar, i yenni umi i twacar dcar.