Awal n yiman

Yaru t: Ali Amaniss

Ur illi ighimi ard yili wawal,

Ur telli tghessa mi ur illi utvar,

Ur illi telli tudert n bela yawal,

Ur illi yiman xes ig illa utvar.

Iqqen n ad nezd awal ard ineghed,

Ad as neg ikiker afad ay yili atvu,

Ad is neg aherir, igheneka ay ized,

Afad yan wass ay iggidey, ay ibetvu.

Awal irewan iga i wul am usafar,

Da yas yikki atvu ard ig am amellal,

Da yas ittekkes may ixxan d wafar,

Afad ad dig s neg atebir d umelal.

Ku yan yasey ad yuru awal axatar,

Ad t ig g ittesen warraten ixataren,

Ad dig s yuru amzeruy g unerar,

Ig dig s kigan n iwaliwen imellalen.

Awal amazigh irewan ghur i kigan,

Righ ad t gegh g wul innew abeda,

Afad ad as ikkes asekkin aseggan,

Yan wass, ad d ilal, tekkes tbareda.