abbas lfasi ad ak nin yaw awal
yaru t: aaba hassan
abbas lfasi nera ad ak nini yaw awal
is jjin tzrit aserdun ay rewas ayyis
a bel haq tegamm iserdan kullu Smmernin
nesfeld ukan s umezzugh inu alligh asen tennit
a righ ad bbigh tabrida sul qqengh agharas
ad t ukan nebbi f tmazight nasi is akuray
arigh ays nekkerz gh ida s tennit iqqur
irebbi rar d amezzugh nek awalli as inna
righ ad neghagh tamazight neghagh arraw nes
meklli inegha baba id babtsen tizi lligh isul
ay nna ur nghigh nekt d isemg n saykt agharas
wanna ur irin nekt gh buyggudan n skras akerraf
abbas lfasi ur ten yudi ghuncek lli kkan
ur iceba iqariden lli yuker s ufus nes
sul ar it galla s rebbi a bela igh icca wiyyad
a tizi lli gh tghit tanbat ad sellagh iyyan
isawel d nettan illigh iger s ugunfus d tuhhutin
inna yk ugin ifasin ad gh farqen iwaman
irar azed wayyad inna dagh nettan awal nes
apan ur asen gigh loaib ixef nnagh ad t ilan
ayak agadir ad ghen ighli uggug nsent
ayak imazighen ad gan kullu sugrnin
amax aylligh s ghlin uggug nes Sdernk awayyad
amazigh ay kkaten wayyad cen izuran nes
apan ur jjin zrigh gh tmazirt afasi ikkaten wayyad
abbas lfasi iga iwis n taghat netta ka ad t isen
mac ar asen itini gigh izem ikkusan taganin
inna yak iga iwis n wad yuru wad sul iszul
ur ak isakas s id bab n tagant willi ten ganin
awalayni wurrid aleoaqel inu tinit as
iqqan d ad naqra gh ida ght ifel wayyad
ar gis nettasi tida resnin gaddanin
ar neggar s tida hercnin merzanin
aghemkan awgema ad nera ays naf agharas.
(aaba hassan, aabahassan@yahoo.fr)