A tidet inu a tedjest n ifran

Yura t: karim kannouf

cem d amadval inu i xef zvummen itran

tissi nnem d razagh axmi twarden ireghman

axmi tcuq tzawa iffuden ghar waman

tisraw daym d dehhact mmuten daym imezran

ura d rxezrat nnem fedvrent ghar buydunan

refqayes n zman inu ufint daym amcan

ufint daym abuzzver x wur nnem abarcan

cem d rehriq inu i d itarvwen izran

i d itzvyen tidet zi tittvawin n imesoan

zzaym isrigh lgha n wesghad dayi itmenghan

ma cem simant nnem d aseghd iwta izvewran

war day sdaw akidem ghar tzinunt n wussan

tazinunt n ixf inu ijeyfen deg ixsan

d cem day isremden ad ffaregh zeg iwdan

ad hrutfegh deg idennadv ad t ssumtegh d icemsan

maghar min dam ggigh aday tacard zman

ad tfarned zi tiwecca zi tazyudvi n wussan

min teggid i wcuwwaf i di ifassen nnem irarn

axmi xafi tghedvredv zi tayyut n ifiran

nesxedv xafi nesxedv nigh awi yi ghar imedvran

maymmi day itneqqed s ixedmiyyen ihfan

tidet n zman inu min day twarid d ccan?!!

nigh neccin d acniwen ntirurd di mkur amcan.