Amsvifatv amma-hllu
Yura t: hasan kujut
Zddiyn wussan id azwu ur illi
Ntta ad g tvrur, ingal iga amdlu
Amayd issefliden, iywaliwn isili
Ad k inix inghmisen, itfka mma-hllu
Abu tighri, akez mad iga wawali
Yakkuf ubuqal, isul iga lullu
Ur igi abluh, isul ixesvat wahli
Fafad ayamksa, adur tgent itv kullu
Nzey zik, afad ad tkest ulli
Ad awghen, sun aman n ughbalu
Pan ilghman da ttettin g imerdali
Tnagh atcin tuga, adejnak hemzillu.

Taghult ar svuq, amayd isghan lbali
Taguri n uhiydus, tarur is mma-hllu
Naghul zars, msghiwt nnex ur thli
Lekwatv n thellal, snniyt ayd walu
Nesgha lktub, agensu nnes ur digs nelli
Udjin sawiln xef izuran n-id bba-hllu
Ttuni, ttun ommi, zhun xali
Abu lkwatvi, ak ibtvu rebbi d umalu
Isul ad k ittec wakal, yadra k islli
Aghent tihella nnek anu, ndelt s iflilu.

Ulinew dayal slhil, Agnagay issikli,
Yattuyi yighef, ictvi wtvar iwlellu
Da ttetrex aydda-new, lmexzen irdli
Ira adilah, ira txamt-inw atexlu
Agensu n-tmazirt inew, atvu ur-ti nli
Tehnaci tsurift, afud ira ad t isewtvellu
Amur inew laht, ammas n umda intli
Iga lmexzen azwu, da ghifi isemgullu
dax ittasey issersax, zund jjaweolili
Ikayi tagulla, ari yeqqar s umeddallu
Ghuri bba d mma, uhu ur gix ahlali
Gmix g tegmmi, urid ammas ileolu
Tfarx awal nnek asnat, imih izli
Pan tigmmi tbennut, usar ad dak teolu.

Timxibin nnax, tin bumhend d oli
Ur mziyx ad itecnet s ahdar nlullu
Tawiri new adurux inix, inigex tilelli
adurux mad illan g wul, usigh d s tilu
ad inix tanemmirt, imma d bba d lwali
nsawel xef tmazight, itsselmed mma-hlu
tmut ayezza muha, teddit atihli
mma-hllu new tgellint, tga zund asuklu
digs aneghmis, n tsuta n medden n walili
digs aman d mactca, tga amalu
tga usan, n lehrir, ga taduli
nna d-yiwey utvar iddu d ad ismulu
tslemdi amezruy n uottva, amazigh hilli
teddit ayezza, ulinew usa ad ihlu
teddit ayurar n tmeghra, iherqax isli
ames alutv a tislit, waluyam zillu
urmex tatvsa, pan leghyar inali
ida loeql igufey, iman d mma-hllu
ktigh d amsifatv ameggaru ihewli
usar itvsi uhessu d ayt wahlim kullu
yulla usful d uolwan d ayt iozza n igli
ibbey uhiydus, ghur ayt uwnir d ayt slillu
ayt unebgi herqen, lah ura lah izli
gan am lehnutv d ljawi, amsvifatv amma-hllu
ad ghufem issuseo rebbi, taghzi d tafli
ghur tudert yatven, ad am digs ihlu.

ul inew ag otan icergan, asafar ur illi
ma acerrig n uhruy, ad t gnux s ifilu
tenna tgellint, ad kem wsvux amemmi d illi
ad gh selhilt itkerza, adur irrez uwullu
krez amud ihlan, ad temgert tilelli
tenna yi loar nnek d tmazight ahllu
adur tepwut, xirak aseklu n ulili
awegh iwehbub, tgert s tectat n qillu
amemmi adurk icmet ka, afella n wakali
pat asun aghu umlil, knakd assellalu
afad attinniyt atitv, ttasey iregli
svber ifad zend tallexda, mid ghellu
ar ttaft izeddiyen, d zzir itkaren s tamelli.

lemdex tirrugza seg tin bba-hellu
inna yi adur tkennut, ameghzund tili
unna ittubdaren, ur immut amma-hlu
ad irirx stemnatvin, oawedgh as iyizli
settawilx itaguga adur irrez uwullu
isul ad yagh unzvar ayamlal, tuga tili
ixiter ufraw n useklu, ig iwarraw amalu
ig aldjiy d icetvhan, yarud amur d tililli
nkrez tililli g tamazgha, akal n ayt bba-hllu
nssif amezruy bussiyyar, naseyas tihli
yughul kuyan s abrid, ihdvu adur ijlu.