Di rewdva ntgooad
Yura t: Kannuf Karim (Aliman)
A yemma ma niwedv, a yemma ma qa oad?
Yemma mechar ghad nek di rewdva ntgooad?
Beddu oad war nebdi, wdvant anegh teghradv
Mara negga svurvif deg wxecciw ntneqradv
Ad nettu tiri nnegh ghar itran nswizzadv
Neccin ussan nnegh oeddun jar ihubadv
Zman yuhher akid negh i neccin mani oad.
Svbar nnegh d ssvehra day negh iteksen fad
Ma d neccin izyenfan ghar wezyinfi n imeqnadv?
Ma d neccin itazren di tarja n idvennadv?
Ar mermi ghad neqqim nxezzvar deg imezradv
Yarezzun tiwacca deg iqedwah n ifuradv
Sqar uca a mminu war das arenni i wwacradv
Ddunect tekka afusi neccin nekka zermedv
Ddedj d ixemrawen yagga xaf negh isidvadv
Yedvha d tiqessisin toawaden tet ijdvadv
(Kannuf, München di 6/2003)