Yaru t: Belaid RAMI AZWAW

I: Gwma Amedyaz, AFULAY

Ad ur tallat..

Man ammak, meqqar tessngit talat?!

Zikk rad agh d ighawl,

Nezd awal, dderen agh g ufus

Mad sergh iqqeln d umetta yummeren..!

Isaffen d illaln,

Sar deln ul.. ssun izvuran!

Ad ur tallat.. !

Man amak, meqqar tessngit talat?!

Ad ak ggalex, rad neggwmmer arid tayri g tguriwin

Naf tidvfi g itran ig d uggan

Nessirm amarg g tafukt ig d ghwlint

Acku meyarent g isuyas n dar negh

Gint asafar, ssunt amud lli f d neqqrent.

Ad ur tallat..!

Man ammak, meqqar tessngit talat?!

Pad iwaliwn urrin d , gin tizrarin

Dusen akw iberdan n ttiyyt d tzuriwin

Flujjan imurag.. g usrir d usarag

Rekezn ihuyak n tghwrit ula tidlalin

Lliln waman negh s wadif n tgudiwin.

Ad ur tallat..!

Man ammak, meqqar tessngit talat?!

Duy, pann zdan islan ihwacn d tguriwin

Kkisn amarg, allen timawayin

Mad sul innan is yadvlli sergn s ifessi, Kecmen tidwariyin?!

Ad ur tallat..!

Man ammak, meqqar tessngit talat?!

Iriz rad iwwujdu, iduhdu

Tsayja tghwrma tbughlu..

Fsun idrarn d izagharen d ilalen

Tiniri, aghwwagh ur sar t ikki

Amazigh issunf ifergan, imater argan, idel s uzerkki

Yazv dar sn dar negh.

Ad ur tallat..!

Man ammak, meqqar tessngit talat?!

Asi d adar, pa tirghi n igiwal

Menck ad lan largug g iman

Rad ten nestara.. s wurgh rad nettzmmam

Izvuran nettni, sergh rad uten g tisi d wakal

Duy duy a yagrawal !

Duy duy i makrawal..!

(Belaid RAMI AZWAW, ANFA, juin 2957)