tekkatt inn g igherm llig lulex, yat tmettudvt d illis, kkin sttin ar zzigizent ig ttasent, mayann iga dar sent tamyurt.. !

g yan unebdu, tuzzvumt n yan yidv inegdven g ifessi d ufulki, tenker d dagh tmettudvt d illis (meklli meyarent), ar zzigizent meqqar ttvasent, tikklit ad g tizgi nnesent tdel tbasvurt. tsawel d tmghart tenna i yillis:

-«ad kkem yilih a tamaghuzt ihercen, kemmin ad isennstemen afulki inu, tskut tudert nnem s ibladv n tinu! ahh meradd is ufix ad kem neghex!»

terar as d tqqcict tenna as:

-«a gar tamettudvt isghunfan, a tawssart iqqebern ur issenn amer agayyu nnes, a tad lli y ikkan ger ayyi d ixef inu iderfen, a tad iran ad teg tudert inu taghlaghalt i tudert nnes ittcan ineparmadven , mera ka tafudvet!»

akud ann ighwra ufullus, duynt d s yat teklit g idves, meqqar ar ukan sul ttidunt g turtit.

tsawel d temghart s kigan d ufulki:

-«izd kemmin ayad a tatbirt inu?!»

terar as tarrawt nnes s ils immimen:

-«yah, illi m ayad a taberzzuyt n tasa inu!»

(Yaru t s taorabt: jebran xalil jebran, zeg tawckint nnes «ikabaren d uhyudv», asughel s tmazight: belaid rami azwaw, 15-06-2006/2956)