d amedyaz

uffent turjatin nns

di tsellya n teycatin nns ixeyqen

isfuggel s wass n tlalit nns:

s ict n tqessist... tuher.

s ict n tnwwact... tuher.

s ict n tufqit zi tziri... tuher.

d amedyaz

tarzef d ghar s taslit n wenzvar

xef ict n tayyut...

zi tmedji n tewrirt n weccen,

tlellc d:

d isvuraf...

d iseqsan?!

d rewhran.

d amedyaz

tvya n tittv nns

issgnfan ayezzum n wanag

ghar... wenqar n tfuyt

jar ioaroar n wjris

ghar ict n tejdvit teffarfar

tfafa xef tefras nns deg ujenna

ghar ijjen n ubagher ittxedv

mcumbcen wafriwen nns x rexarat

d amedyaz

ira itghir izli nns

am ca n useynu n unebdu

ad yekk uca ad yeodu

aseynu yin ametluo

yedwer marra d izlan

isdvarghlen yiman

war itwili

war itseli

di tmedyazt n uxeddam igharq

deg wlaf n tyujitc igharq

(Andich idir, Midar deg unebdu n 2959)