Jar abrurez n tnwacin

D urmuy n tsnanin

Ad cem ggex d aghnnij

Ur israyshsn ad yarjij

Ad yaghmi nix ad isfuffi

Amcnaw rounsvar n tidett

Am yekkes rimart n tghufi

Hima ad nssiwer xf uyezzim n tudart

Ad zzays nsfadv timdji n issfdawn

Ymarsn xf mara udmawn

Ad zzays nsidv tira n umzruy

Ig krucden x ughmbub n tfray

Jar tifayin n umezruy

D wattvu n urghmmuy

Tacix kidam d tiqqst

Tarzig amcnaw tnifst

Ad zzays arix x tcmant

Ig qnen aqmmuc n tudart

War tsssiwir x rehriq inu dwni nem

Hima ad yini min yezvra

As nni umi x ad m d arrin izvra

As nni umi ucan tafsut inu d tnni nem.