Taza tizwar i Ghezza n Falistvin

Yura t: Xalid BUGHANEM (Tittvawin)

Mermi i d as d ntawi kra n tannayin x tuqudvet n tmughri nnes i mayn itemsaren x weswir amdvlan, Muhemmed wis VI itarra d xanegh s wawal nni d wen: taddart inu d tamezwarut."Morocco first"... U Taza Tizwar i Ghezza."(François Soudan).(1) Awaren a yina ad yiri yenna ten uzedjid Muhemmed wis VI ammu nican nigh mass Soudan -aneghmas n"jeune afrique"- yuyanegh d ghas tarrayt mamec itxezzar ad tiri tawuri gi tmurt nnegh hma ad nendep zzag s ar dat. U mara mayn d anegh d yeksi mass Soudan netta d tidet, ad taf d ict n tiyti ar wul i yinen itexsen ad agnegh zzvun tallest. Deg akud d yejj, d ict n tebrat i tughemsa n tmurt nnegh hma ad remden mani ig yetwarem ad tiri tazvla.. mani ig itwarem ad nemhizwar x uneghmis. Soudan yus d d amazan (envoyé) wapa, yewwedv ad akum yezgur ghar uneghmis deg ammas n taddart nkum!! nigh tidet tessaggûd. Tarzag tgamim ad tesseghrim!! Awal x Falastvin d Loiraq d wafghanistan, ijjen ur yezmir ad akum yezwar gharsen. "Ass a itwarem xanegh ad negg ticri.Tudecca ur ssinegh: nzemmar a neksi mawsa nigh ad nettvuqez dag sen mara war newwi walu s mawsa. Mermi mma ghrigh nigh sedjegh i ci n yejjen zzag negh itrujdud, itddeghdigh x ict n tghawsa n midden itettu tenni nnes, yettvar ay d ar twengit ij uwawal yenna t' ameghnas d umeghnuj nnegh ameqran mass Mimun Lwalid yarra x ijjen zeg wzermadven yesseqsa t' x waddad nnes zi tghawsa n Falastvin (yenna s):Falastvin! Falastvin! ar gha tekksem afradv zi tewwart nkum, ruxdennit oad i gha txarsem ad teksem afradv zi tewwurt n midden". D wa d awal s imant nnes ig yenna uzedjid.