sms n wmsbrid (ll)
Yura t: Mimun Amsebrid (Biljika)

(1)
Yeqqars xafi ujenna

(2)
Nec itwaggen s ususem – Manis d usigh ghar wawar?!

(3)
Twaqqnent xafi tittvawin – war djigh.

(4)
Yshenher wur – Ad yespiwrar.

(5)
Wi ghad yi yssiwdven?

(6)
Ibuda n wswizzedv? – War ghars bu ibuda!

(7)
Iwdvegh tisi. – Ad aryegh?

(8)
Ur war itewsir!

(9)
Uzan yi wussan,
Mmaremden yi ybriden.

(10)
Yarzveg uyad – War zemmregh ad t’ sgheryegh.

(11)
Tqdvu tseddect n wawaren.

(12)
Arcan wukkan n usitem.

(13)
Ccuregh s umarwas. – Nec d amarwas!


(14)
Wi xef ghad smunegh awaren?

(15)
Min zzayi yeqqimen?

(16)
Tsdvaregh yi tfawt.

(17)
Snvedyegh mezri
arami yemwa – mmexsegh t’.

(18)
Amacnaw idir: cek ad tadsed, netta itaggûj.

(19)
Teddaregh s tanumi.

(20)
Tazzregh, azru degw uparkus – war zemmregh ad t’ ksegh.

(21)
Arzven wafriwen n wawar.

(22)
Mermi ma sseymegh ict n tirmect,
Tazun yi t wussan.

(23)
Ur nnidven?!

(24)
War tiwdvegh.