Tilmatv
Yaru t: Sghir oumar
Mmutern ak tafuyt
Asvemmidv ur illi
Mmutern ak tafuyt
Asid nes ur t rin
Ujin iselliwen
Ssun akal
Ku yan d mayd idda
Ku yan d manid ikka
Yan taman yan
Akabar ayd gan
Mmutern ak tafuyt
Taghelya nes ayd ran
Allig tvernt tillas
Ibbi uzewu g igenna
Yali d wayyur axatar
Ssiden itran oetan
Lebhar ur da yesawal
Lebhar yumezv t ifesti
Nin agharrabu
Agharrabu n tudert
Fekin i lebhar
Lebhar agheddar
Ammas n uberid
Ag llan
Ammas n ubrid
Ag asen d ikka
Leghder igenwan
Yuli d umedlu
Imun d d izvelid
Acutvi d uzewu
Iherran
Tilmatv
Zund ighuliden
Acutvi d uzewu
Iherran
Lebhar bu telmatv
Targagit n nnig waman
Ketiyad ayt uxam
Ur batven imettvawen
Lemut ad awen d isawalen
Irezva ugherrabu
Tudert pat tenza
Irezva ugherrabu
Tudert tagheddart
Mmuten ifeddamn
Tiwetmin d imezzvan
Nurzen tatvfi
N tudert
Tawiten lemut
S rrexa
Nurzen akal n wiyyadv
Yadrasen
Wadda ten isexatern
Is ixdva wanna iddan
Ad ifek advar I lebhar
Izeri tamazirt nnes?
Neghed is ighzvan
Igwulun ihenna.
(22/11/05, amur n ukuc)